2 Samueli 3:39 - Baibuli Ekibono kya Katonda 2014

³⁹ Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

2 Samueli 3:39 ပူးပေါင်းရင်းမြစ်များ

2 Samueli 16:10

Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 19:22

Aye kyabazinga Daudi yaamukoba ati: “Ye mumbeereire ki imwe abaana ba Zeruia? Lwaki mwenda okundeetaku obuzibu olwaleero? Mudhuuba muti ghaligho anaitibwa mu Isiraeli olwaleero luno? Nkiidhi bukalamu nti mperaano ninze kyabazinga wa Isiraeli.”

2 Samueli 3:38

Kyabazinga yaakoba abagheereza be ati: “Timubona nga Isiraeli olwaleero luno efiiriirwa omukulembeze ow'amaani era omukologho?

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

1 Bakyabazinga 2:9

Kale ni otamusonighanga naire. Oli musaadha mugezi era oidha kumanha eky'okumukola. Otalobanga kumwita waire nga mukaire.”

1 Ebyomubyanda 22:5

Daudi yaakoba mule ati: “Eisinzizo lye baja okuzimbira Musengwa Katonda ligwaine okuba nga lya kitiisa inho era nga limanhikaine mu nsi yoonayoona. Aye Solomoni aja okulizimba akaali mwana muto, azira bumanhirivu naire. Kyenva ndi n'okutaagho eby'okulizimbisa.” Kale Daudi yaataagho eby'okuzimbisa kamaala inho ng'akaali kufa.

1 Ebyomubyanda 29:1

Agho kyabazinga Daudi yaakoba abaali beesoloiza ati: “Mutabane wange Solomoni Katonda y'alonzeemu akaali mwana muto, ate nga omulimo oguli n'okukolebwa mukologho inho kuba kino ti kisaagaati kya bwakyabazinga bwa bantu buntu, aye isinzizo lya Musengwa Katonda.

2 Ebyomubyanda 13:7

Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

Zabbuli 101:8

Buli lunaku ndidha kuzikirizanga abakozi b'ebibi mu nsi, ndekeze ababi okubanga mu kibuga kya Musengwa Katonda.

Zabbuli 28:4

Basasulemu ekigwana ebikolwa byaibwe n'ebibi bye bakola. Basasule ekyo ekigwana ebyo byonabyona bye baakola; ekyo ekibagwaniire ky'obe obaghe.

Zabbuli 62:12

era ng'akoba ati atugonza obutalekera; kuba agha kiisi muntu empeera ng'ajiira ku bikolwa bye.

Zabbuli 7:16

Entegeka dhe edh'okukola ebibi dhimwiriraku mwene, era obukambwe bwene bw'akozesa n'obumutaaku enguma.

Zabbuli 75:10

Amaani ag'ababi goonagoona aligazikiriza, ate amaani ag'abatuufu aligongeraku obungi.

Okuvaayo 21:12

“Omuntu yeenayeena anaakubanga omuntu n'amwita, yeena anaabanga n'okwitibwa.

Ensambo 20:8

Kyabazinga bw'atyama okusala emisango, anoonenkereza yaazuula buli kibi.

Ensambo 25:5

Mu nsambo n'endala, n'ababi bali n'okutoolebwa aghali kyabazinga, memale obufuzi bwe bwajiira ku butuufu.

Isaia 3:11

Aye ababi bakagwireku! Ebyaibwe bibi, kuba byene bye baakolanga ku bandi, ni byene ebyo bye baidhanga boona okubakolaku.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Yeremia 38:5

Kyabazinga Zedekia yairamu ati: “Wuuyo ali mu ngalo dhaimwe, nze tiidha kubalobera.”

Danieli 6:16

Kale kyabazinga yaalagira batoole Danieli bamusuule mu kiina omwali empologoma. Kyabazinga yaakoba Danieli ati: “Katonda wo oyo y'ogheereza n'obwesigwa akuwonie!”

Okubala 32:23

Aye bwemutaakole mutyo, mukimanhe nti munaaba mukoze ekibi eri Musengwa Katonda, era nga bwenebwene muja kubonerezebwa olw'ekibi ekyo.

Ab'e Roma 13:4

kuba oyo mugheereza wa Katonda olw'okukugasa iwe. Aye bw'okola ebibi, mutye, kuba obufuzi bwe ti bwa busa, mugheereza wa Katonda era abonereza abo abakola ebibi.

2 Timotheo 4:14

Alekisandero omugheesi yankola bubi inho, aye Musengwa alimwesasuulizaaku olw'ebyo bye yankola.

Abalamuzi 9:57

Katonda era yaabonereza abantu b'omu Shekemu olw'ekibi kyaibwe. Ni Yothamu, mutabane wa Gideoni, kye yakolima kyatuukirira.