2 Samueli 3:35 - Baibuli Ekibono kya Katonda 2014

³⁵ Agho abantu boonaboona baajanga beegayirira Daudi alye ku mmere omusana ogwo. Aye Daudi yeefuugha ng'akoba ati: “Katonda agwananga yambonereza inho, bwe nkombanga ku mmere oba ekintu ekindi kyonakyona ng'endhuba ekaali kugwa.”

2 Samueli 3:35 ပူးပေါင်းရင်းမြစ်များ

2 Samueli 1:12

Baalira amaziga, baagegenga era baaloba kulya mmere okutuusa eigulo, olw'okuba Saulo, ni Yonathani mutabane we, n'Abaisiraeli abantu ba Musengwa Katonda, baafiira mu lutalo.

2 Samueli 12:17

Abakungu ab'omu ndhu ye baaja y'ali okumusitusa ave ghansi, aye yaaloberagho, era yaaloba okulya emere nabo.

2 Samueli 3:34

Emikono gyo tigyali misibe, n'ebigere byo tibyaliku ndhegere. Wafa ng'oti n'omuntu aitiibwa abantu ababi!” Agho abantu boonaboona kabiri bairamu okulira Abuneri.

2 Samueli 3:36

Ekikolwa ekyo, abantu boonaboona baakibona era baakisiima, ng'oti ni bwe baasiimanga ebintu byonabyona kyabazinga bye yakolanga.

2 Samueli 3:9

Kale ni Katonda agwananga yambonereza inho, Nze Abuneri, bwentatuukirizanga ekyo Musengwa Katonda kye yalayirira Daudi,

1 Ebyomubyanda 10:12

abasaadha abaziramu ntete boonaboona baasituka, baaja baatoolayo omulambo gwa Saulo n'emirambo gya batabane be, baagireeta e Yabeshi. Baaziika amagumba gaibwe eyo e Yabeshi ghansi gh'omuti omukologho, era baasiiba okumala enaku musanvu.

Yeremia 16:7

Tighalibaagho atwalira mulizi kya kulya okumugumya ng'afiiriirwa, waire okumusaasira n'amugha eky'okunhwa ni bw'aliba ng'afiiriirwa ise oba inhina.

Ezekieli 24:17

Sindira mule kisiriikiriza, otalira oyo afiire. Otaleka kusiba kitambaala kyo ku mutwe, waire okuleka okuvaala engaito mu bigere olw'enaku. Era oteeghemba ku maiso, waire okulya emere abalizi ye balya ku lumbe.”

Ezekieli 24:22

Era olwo mwena mulikola nga nze bwenkoze, timulyeghemba ku maiso, waire okulya emere abalizi ye balya ku lumbe.

Abalamuzi 20:23

Agho baaniinaniina okuja mu kifo ye basinziza, baalirira mu maiso ga Musengwa Katonda okutuusa eigulo. Baabuuza Musengwa Katonda bati: “Twiremu kabiri okulumba baganda baife Ababenjamini tubalwanise?” Musengwa Katonda yairamu ati: “Muje mubalwanise.”

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

Ruthi 1:17

Mu kifo mw'olifiira zeena mwe ndifiira, era eyo ye balinziika. Musengwa Katonda ampanga ekibonerezo ekisembayo kuba kibi, bwenganhanga ekintu kyonakyona ni kintoola ku iwe, ni bwe kuliba okufa.”

1 Samueli 3:17

Eli yaamubuuza ati: “Kiki Musengwa Katonda kye yakukobye? Otakingisa. Katonda k'akubonereze inho, bw'ongisa ekintu kyonakyona ku ebyo bye yakukobye.”