2 Samueli 3:31 - Baibuli Ekibono kya Katonda 2014

³¹ Agho Daudi yaalagira Yoabu n'abantu be yali nabo bakanulemu ebivaalo byaibwe olw'okunakughala, beesibe ebikaakaati, balire Abuneri. Era kyabazinga Daudi mwene, yaanonereza omulambo gw'Abuneri nga baja okuguziika.

2 Samueli 3:31 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 37:34

Yakobo yaakanulamu ebivaalo bye olw'okunakughala, yeesiba ekikaakaati, yaamala enaku kamaala ng'alira omwana we.

2 Samueli 1:11

Agho Daudi yaakanulamu ebivaalo bye olw'enaku, n'abasaadha be boonaboona be yali nabo agho baakola batyo.

2 Samueli 1:2

Ku lunaku olwokusatu yaja okubona ng'omwisuka atuuka, ng'ava mu kifo Saulo ghe yasimba weema dhe. Omwisuka oyo yali akanwiremu ebivaalo bye nga n'omutwe gwe gwidhwire nkungu olw'enaku. Bwe yatuuka eri Daudi yaakuba amakiryaivu era yaakutama n'ekyeni kyatuuka ku itaka.

1 Bakyabazinga 20:31

Abakungu be baamukoba bati: “Twawulira tuti bakyabazinga ba Isiraeli baba ba kisa. Tukusaba otuganhe twesibe ekutiya mu nkende n'emigugha mu nkoto, tuje eri kyabazinga wa Isiraeli, tomanha bw'awonia bulamu bwo.”

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 19:1

Kyabazinga Hezekia bwe yawulira ebibono ebyo, yaakanulamu ebivaalo bye era yaavaala ekutiya olw'okunakughala. Agho yaaja mu isinzizo.

2 Bakyabazinga 19:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi w'omu kisaagaati kya kyabazinga, n'abakulira bakabona, baaja eri Isaia omulanzi mutabane wa Amozi nga bavaire ekutiya olw'okunakughala.

Luka 7:14

Yaaseeta yaagema ku miruumo, abaali basitwire omulambo baayemerera. Yaakoba ati: “Mwisuka, nkukoba situka!”

Yoshua 7:6

Agho Yoshua n'abakulu ab'ebikunsu mu Isiraeli baayuza ebivaalo byaibwe, beeyala wa mberi gh'Esanduuku y'Endagaano ya Musengwa Katonda, era beeyugha enkungu mu mitwe, baaba agho okutuusa eigulo. Ebyo byonabyona baabikola olw'okunakughala.

Okwolekebwa 11:3

Ndituma abadhulirwa bange babiri nga beesibye ebikaakaati olw'okunakughala, naabagha obukumu bamale enaku lukumi na bibiri na nkaaga (1,260) nga bakobera abantu ebibono bya Katonda.”

Abalamuzi 11:35

Yefutha bwe yamubona, yaakanulamu ebivaalo olw'enaku, ng'akoba ati: “Nkagwireku mwana wange! Onnakughaiza inho, era ondeeteire obulumi ku mwoyo, kuba neeyama ye Musengwa Katonda era tisobola kumenhagho bweyamo obwo!”