2 Samueli 3:1 - Baibuli Ekibono kya Katonda 2014

¹ Okuva olwo, okulwanagana ghagati gh'abantu ab'oku luuyi olwa Saulo n'abantu ab'oku luuyi olwa Daudi, kwaja nga kubaagho. Oluuyi olwa Daudi lwaja nga lweyongera amaani, ate oluuyi olwa Saulo lwaja nga lweyongera okunafugha.

2 Samueli 3:1 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

2 Samueli 2:17

Agho olutalo olw'amaani lwatanukagho ku lunaku olwo. Abasaadha ba Daudi baaghangula Abuneri n'abasaadha be Abaisiraeli.

2 Samueli 2:28

Agho Yoabu yaafuuwa eigwala, abantu be boonaboona baalekera agho okubingirira Abaisiraeli, era baalekera n'okulwana.

2 Samueli 22:44

Wamponia abantu abadheemu, wanfuula omufuzi ow'amaghanga kamaala abantu be nali tiidhi waabafuula bagheereza bange.

2 Samueli 3:6

Okulwanagana ghagati gh'abantu ab'oku luuyi olwa Saulo n'abantu ab'oku luuyi olwa Daudi, bwe kwali kukaaja mu maiso, Abuneri yaajanga nga yeeyongera okuba ow'amaani mu bantu ab'oku luuyi lwa Saulo.

2 Samueli 5:10

Daudi oyo yaajanga nga yeeyongera okuba omukologho, kuba Musengwa Katonda Afuga Amagye yali ali naye.

1 Bakyabazinga 14:30

Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.

1 Bakyabazinga 15:16

Asa kyabazinga wa Buyudaaya oyo ni Baasha kyabazinga wa Isiraeli, baalwanagananga mu ntalo mu kiseera kyonakyona eky'obufuzi bwaibwe.

1 Bakyabazinga 15:32

Kyabazinga Asa ni kyabazinga Baasha owa Isiraeli, bombi baalwanagananga mu ntalo ebiseera byonabyona eby'obufuzi bwaibwe.

1 Ebyomubyanda 11:9

Daudi oyo yaajanga nga yeeyongera okuba omukologho, kuba Musengwa Katonda Afuga Amagye yali ali naye.

1 Ebyomubyanda 3:1

Bano n'abaana Daudi be yazaala ng'ali e Heburoni: Amunoni n'eyali omuberi, inhina nga ni Ahinoamu Omuyezireeli kwairaku Danieli, inhina nga ni Abigaili Omukarumeli

Yobu 17:9

Aye abo abeeyeta abatuufu, beeyongera bwa kwegumya bati batuufu.

Yobu 8:7

Ebintu bye wafiirwa mu kusooka byali bitono inho, bw'obigerangerania ku ebyo by'olifuna mu biseera eby'oluvainhuma.”

Zabbuli 18:43

Wamponia abantu abadheemu, wanfuula omufuzi ow'amaghanga kamaala, abantu be nali tiidhi waabafuula bagheereza bange.

Zabbuli 46:9

Alekeza okulwana entalo mu nsi yoonayoona; yaakutulakutula mu bulaso, era yamenhamenha amafumo, n'engabo yaadhikumaku omuliro.

Zabbuli 84:7

Bwe batambula baja nga bwe beeyongera okufuna amaani; balibona Katonda asinga bakatonda mu Sioni.

Ab'e Galatia 5:17

Kuba omubiri bye gwenda Mwoyo by'atenda, ate Mwoyo by'ayenda omubiri bye gutenda. Kiisi kirala kitakania kiinaakyo, waaloba kusobola kukola nga bw'oyenda.

Ab'Efeso 6:12

kuba tituli kulwana na bantu buntu aye tuli kulwana n'emizimu emibi egy'omu ibbanga kamaala. Tuli kulwana n'abafuzi n'ab'obukumu, n'emisambwa egy'omu luse luno olw'ekizikiiza.

Okwolekebwa 6:2

Naja okulinga nti, nga mbona embalaasi endheru. Eyali ali kugivuga ng'ali n'akalaso. Yaagheebwa engule aje ng'aghangula, era aghangule.