2 Samueli 24:7 - Baibuli Ekibono kya Katonda 2014

⁷ Agho baatuuka e Tiro mu kifo eky'okwewogomamu, baamala baaja mu bibuga byonabyona eby'Abahivi n'Abakanaani, era baaja baabita mu kiketezo kya Buyudaaya ekikalukalu ku luuyi olw'omukono omusaadha olw'e buvandhuba, baatuuka e Beerisheba.

2 Samueli 24:7 ပူးပေါင်းရင်းမြစ်များ

2 Samueli 24:2

Kale Kyabazinga Daudi yaalagira Yoabu n'abaduumizi abandi ab'eigye be yali nabo ati: “Muje mubitebite mu bika byonabyona ebya Isiraeli okuva e Dani okutuuka e Beerisheba, mubale abantu mmanhe omughendo gwaibwe.”

2 Samueli 24:8

Kale olumaliira olw'emyezi omwenda n'enaku amakumi abiri, bairayo e Yerusalemu nga bamaze okubitabita mu biketezo by'ensi eyo byonabyona.

Zekaria 9:3

Tiro kyamala okwezimbaku ekimante ekigumu okukyezungulula, kyabunga feeza omungi ng'oti nkungu, ni zaabu omungi ng'oti bityanka bya mu nguudo.

Yoshua 11:3

Era yaagheereza obukwenda eri Abakanaani e buvandhuba n'e bugwandhuba bwa Yorudani, n'eri Abamori, Abahitti, Abaperizzi, n'Abayebusi abaali mu biketezo eby'oku nsozi, era n'eri Abahivi ab'e Mizipa mu kiketezo ky'omu kiiko ky'olusozi Herimoni.

Yoshua 19:28

n'Eburoni, n'e Rehobu, n'e Hammoni, n'e Kana, era yaatuukira irala e Sidoni ekikologho.

Yoshua 19:29

Olwo yaakyuka yaabita e Rama, yaatuuka e Tiro ekibuga ekyezungulwirwa ebimante ebigumu. Kabiri yaakyuka yaabita e Hosa era yaakoma ku Nhandha Eyaghagati. Era yaazingiramu n'ebibuga bino: Makalabu, Akazibu,

Yoshua 9:1

Bakyabazinga ab'e bugwandhuba obw'omwiga Yorudani baawulira ng'Abaisiraeli bwe baaghangula abazigu baibwe. Bakyabazinga abo, ni bano: ab'omu biketezo eby'ensozi, n'ab'omu biiko, n'ab'omu biketezo ebiri ku mbali okw'Enhandha Eyaghagati ng'oja e Lebanoni. Abantu abaali mu biketezo bino, ni bano: Abahitti, Abamori, Abakanaani, Abaperizzi, Abahivi, n'Abayebusi.

Yoshua 9:7

Aye Abaisiraeli baabakoba bati: “Tusobola tutya okukola n'imwe endagaano? Musobola okuba nga muva kumpi ghano.”

Abalamuzi 3:3

Abantu abaalekebwa mu nsi eyo ni bano: abantu ab'omu bibuga eby'Abafilisiti ebitaanu n'abafuzi baibwe, n'Abakanaani boonaboona, n'Abasidoni, n'Abahivi abatyamye b'omu nsozi dh'omu Lebanoni, okuva ku lusozi Baali Herimoni okutuuka gh'oingirira e Hamathi.