2 Samueli 24:16 - Baibuli Ekibono kya Katonda 2014

¹⁶ Malaika bwe yagolola omukono gwe okuzikiriza Yerusalemu, Musengwa Katonda yaakyusa ekirowoozo kye eky'okukola Abaisiraeli akabi. Kale Musengwa Katonda yaamukoba ati: “Ekyo kinaamala. Lekera agho!” Agho malaika yali atuuse mu kifo aghakubirwa engaano ekya Arauna Omuyebusi.

2 Samueli 24:16 ပူးပေါင်းရင်းမြစ်များ

Amainhama 10:16

era n'Abayebusi, Abamori, Abagirigashi,

Amainhama 6:6

Agho yeidhusa ekyamutonza omuntu ku nsi, era enaku yaamuluma ku mwoyo.

2 Samueli 24:18

Ku lunaku lwene olwo Gadi yaidha yaakoba Daudi ati: “Ja mu kifo aghakubirwa engaano agha Arauna Omuyebusi ozimbire agho Musengwa Katonda alutaari.”

2 Samueli 5:8

Ku lunaku olwo Daudi yakoba abasaadha be ati: “Omuntu yeenayeena akyaye Abayebusi ng'oti ninze Daudi, abitire mu mweta ogw'amaadhi, aje alumbe abalema n'abatulu abo.” Okwo n'okwava endhogera ekoba eti: “Abatulu n'abalema tibaidha kungira mu ndhu.”

1 Bakyabazinga 19:4

aye mwene yaatambula mu irungu olugendo lwa lunaku lulamba, yaaja yaatyama ghansi gh'omuti ogw'ekyeyo, yaasaba afe ng'akoba ati: “Wo Musengwa Katonda bye mboine bimala! Twala obulamu bwange mpegaano, kuba ghazira kye nsinga badhaadha bange!”

2 Bakyabazinga 19:35

Agho obwire obwo, malaika wa Musengwa Katonda yaaja mu kifo Abassiria ghe baasimba weema dhaibwe, yaita abantu emitwalo ikumi na munaana n'enkumi itaanu (185,000). Abantu bwe baazuuka ku nkyo, baaja okulinga bati ng'abo boonaboona mirambo!

1 Ebyomubyanda 1:14

era n'eyasimukamu Abayebusi, n'Abamori, n'Abagirigashi,

2 Ebyomubyanda 3:1

Kyabazinga Daudi, lata wa Solomoni, yali yamala ira okutegeka ekifo eky'okuzimbamu eisinzizo. Ekifo ekyo kyali mu Yerusalemu ku lusozi Moria, Musengwa Katonda ye yamubonekera. Ekifo ekyo, Arunani Omuyebusi kye yakubirangamu engaano.

2 Ebyomubyanda 32:21

Musengwa Katonda yaatuma malaika, yaita okumaliragho irala abaisirukale boonaboona ab'amaani abaziramu ntete, n'abaduumizi, n'abakulu b'eigye, abaali mu kifo kyabazinga w'e Assiria mwe yasimba weema dhe. Agho kyabazinga w'e Assiria yairayo mu nsi ye nga yeenayeena ensoni dhimugemye. Lwali lulala ng'ali mu isabo lya katonda ye yasinzanga, abandi ku batabane be baamufumita empiima yaafa.

Zabbuli 135:14

Musengwa Katonda aidha kulwaniriranga abantu be; aidha kugemerwanga abagheereza be ekivunika.

Zabbuli 35:6

Ka baje mu nzikiiza ni mu butyerezi, nga malaika wa Musengwa Katonda ababingirira.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Zabbuli 90:13

Wo Musengwa Katonda, oja kusungughala kutuusa li? Twiriremu ife abagheereza bo otusaasire.

Okuvaayo 12:13

Aye imwe, omusaayi gwe munaasiiga ku myango, n'akanaaba akamanhiso akooleka endhu dhe mulimu. Bwe nnaabonanga omusaayi, ndidha kubabitizanga. Era ezira kibamba kiribagwaku kubazikiriza lwe ndikuba Misiri.

Okuvaayo 12:23

kuba Musengwa Katonda aja kubita mu Misiri ng'aita abaana abalenzi ababeri ab'Abamisiri. Kale bw'anaabonanga omusaayi ku myango, aidha kubitizanga omulyango ogwo alobe kuganha lumbe kwingira mu ndhu dhaimwe kubaitaku baana baimwe.

Okuvaayo 32:14

Kale Musengwa Katonda yaakyusa ekidhuubo kye, yaaleka kubazikiriza nga bweyali abeesoomeire.

Okuvaayo 9:28

Muneegayiriregho eri Musengwa Katonda, kuba titukaaghanga kugumira kubwatuka kwa lukuba na mugozi bino. Ndidha kubaleka muje era tikikaabeetaagisa kusigala nga mukaali muno.”

Isaia 27:8

Musengwa Katonda yabonereza abantu be ng'abatwala mu bunhage. Yabakunguudhia n'empewo ye enkambwe eva e buvandhuba.

Isaia 57:16

Ninze nafuuwa omuuka ogw'obulamu mu bantu bange, era tiribasungughaliranga bujiiririire waire okubavunaananga emisango buliidho kuba ekyo kisobola okubaleetera okufa, ate nga ninze mwene eyabagha obulamu.

Yeremia 26:19

Abakulu ab'ebika abo baayongera okukoba bati: Mulowooza muti kyabazinga Hezekia n'abantu b'omu Buyudaaya baamala baita Mika oyo? Busa naire. Mu kifo eky'okumwita, kyabazinga Hezekia oyo yata bwa mu Musengwa Katonda kitiibwa era yaagezaaku okukola ebisiimya Musengwa Katonda oyo. Era Musengwa Katonda yakyusa ekirowoozo kye, yaaloba kubaleetaku kabi ke yali akobye okubaleetaku. Aye ife mperaano tuli kwenda okwereetaku akabi akanene einho.”

Yeremia 42:10

‘Bwe muliganha okubanga mu nsi eno, ndibazimba mu kifo ky'okubasansula, era naabasimba mu kifo ky'okubaiwululagho kuba nnakughaire inho olw'akabi ke nabatuusaaku.

Amosi 7:3

Musengwa Katonda yaakyusa ekidhuubo kye. Yaakoba ati: “Kale, ky'oboine tikiidha kubaagho.”

Amosi 7:6

Musengwa Katonda yaakyusa ekidhuubo kye. Yaakoba ati: “Kale, ekyo ky'oboine kyona tikiidha kubaagho.”

Habakkuku 3:2

Wo Musengwa Katonda, nawulira bye wakola era naatya inho. Ni mperaano tukolereku mu biseera byaife bino eby'amaani bye wakolanga eira. Tusaasirenga ni bw'oba ng'osungughaire.

Zekaria 9:7

Ndibalekeza okuliira omusaayi mu mamba, n'okulya ebintu ebindi byonabyona ebyenhinhalwa. Abaliwonagho boona balitwalibwa ng'abantu bange, baaba ng'oti n'ekindi ku bika kya Yuda. Abantu ab'e Ekuroni boona balifuuka bantu bange, ng'Abayebusi bwe baafuuka.

Mariko 14:41

Yaira omukuzi ogwokusatu yaabakoba ati: “Mukaatenduka era mukaawuumula? Mulekere agho! Biwoire! Saawa etuuse, Omwana w'Omuntu aja kugheebwayo mu mikono egy'aboonooni.

Ebikolwa by'Abatume 12:23

Mangu ago malaika wa Musengwa yaakuba Herode, kuba Herode tiyagha Katonda kitiisa. Enhengere dhaamulya yaafa.

1 Ab'e Korintho 10:10

Era tutaduuduumanga ng'abandi ku abo bwe baakola, Malaika ow'okufa n'abaita.

2 Ab'e Korintho 2:6

Ng'omuntu oyo bwe yabonerezebwa abantu kamaala batyo, kimala.

Yoshua 15:63

Abayuda tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Abayuda.

Abalamuzi 1:21

Aye ab'ekika kya Benjamini tibaaghanga kubinga Bayebusi be baayagaana nga n'ababa mu Yerusalemu. Era ni ye buli eno Abayebusi baba mu Yerusalemu ghalala n'Ababenjamini.

Abalamuzi 19:11

Ghe baatuukira agho ng'olingiriire Yebusi ng'obwire bujiire inho. Agho omugheereza yaakoba musengwa we ati: “Ka tukyukire ghano mu kibuga kino eky'Abayebusi, tusule ghano.”

1 Samueli 15:11

“Neidhwisa okuba nga nafuula Saulo kyabazinga, kuba anviireku yaalekera agho okuwulira ebiragiro byange.” Agho Samueli yaasungughala, obwire bwonabwona yaasula nga yeegayirira Musengwa Katonda.