2 Samueli 24:10 - Baibuli Ekibono kya Katonda 2014

¹⁰ Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

2 Samueli 24:10 ပူးပေါင်းရင်းမြစ်များ

2 Samueli 12:13

Agho Daudi yaakoba Nathani ati: “Nakola ekibi naasungughaza Musengwa Katonda.” Nathani yaamukoba ati: “Musengwa Katonda akusoniighe toidha kufa.

2 Samueli 24:17

Daudi bwe yabona malaika eyali ali kwita abantu, yaasaba Musengwa Katonda ati: “Linga, nze ninze eyayonoona, naakola ekibi einho, aye abantu bano bazira kye baakola kiri kubaitisa. Kyenva ni nsaba nti, omukono gwo gugwaine kukuba nze n'ab'endhu ya lata wange.”

1 Bakyabazinga 8:35

“Eigulu bwe lineesibanga amaadhi ni gatagwa, olw'abantu okuba nga bakoze ebibi ni bakusungughaza, aye olumaliira ni balekayo okukola ebibi ng'omaze okubabonereza, ni bakweghemba nga balingiriire ekifo kino,

1 Ebyomubyanda 21:7

Katonda yaasungughala olw'ekyo ekyakolebwa, kyeyava n'abonereza Isiraeli.

1 Ebyomubyanda 21:8

Daudi yaasaba Katonda ati: “Wo Musengwa Katonda nhonoine inho olw'ekyo kye nkoze. Era nkweghembye ntoolaaku ekibi ekyo nze omugheereza wo, kuba nkoze kya busiru inho.”

2 Ebyomubyanda 16:9

Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 32:26

Aye Hezekia yaamala yaagonda ghalala n'abantu ab'omu Yerusalemu, era baalekera agho okwekuluntaza. Kale Musengwa Katonda yaaloba kubamaliraku busungu bwe mu biseera bya Hezekia oyo.

Yobu 7:21

Kale lwaki tonsonigha kiisi kye nasobya kyonakyona, n'osasaagho ekibi kyange? Kuba mpegaano nja kufa nhingire eitaka, era olija okundhagala nga tikaaligho.”

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Okuvaayo 10:16

Agho kyabazinga yaagwidhubana okwetesa Musa ni Aaroni yaabakoba ati: “Nhonoine eri Musengwa Katonda waimwe era n'eri imwe.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Hosea 14:2

Mwire eri Musengwa Katonda era okusaba kwaimwe n'okube kufuuke ekigheebwayo kyaimwe kye mumugha, nga mumweghemba muti: “Tusonighe ebibi byaife byonabyona, osanhukire ebyo ebirungi mu ife. Twidha kukusaakanga n'eminwa gyaife.

Yoeli 2:12

Musengwa Katonda akoba ati: “Ni bweriba mperaano, kwona mwenenie bya bwenebwene. Mwire ye ndi nga musiiba era nga mulira amaziga.

Okubala 12:11

yaakoba Musa ati: “Wo musengwa wange, otatubonereza, olw'ekyo kye tukoze mu busiru ni twonoona.

Mariko 7:22

omuluulu, omulyakubi, obugwenhufu, obuguya, ensaalwa, okughaayiriza, olunkulu n'obusirusiru.

Yoanne 1:29

Ku lunaku olwairirira, Yoanne yaabona Yesu ng'aidha y'ali yaakoba ati: “Mubone Entaama Ento eya Katonda etoolagho ebibi eby'ensi!

Yoanne 8:9

Bwe yabakoba atyo baatoolera okuvaagho mulala mulala ng'abakaire n'abatoolereza. Yesu yaasigala agho n'omukazi ng'akaayemereire agho.

Amateeka Agokubiri 32:6

Obwo bwene, mutyo bwe mugwaine okubisa Musengwa Katonda, imwe abantu abasiru era abatategeera? Ti ni iseimwe eyabataagho? Ti n'eyabafuula eighanga?

Tito 3:3

kuba twena eira twali basiru era abadheemu, nga twadaaliima era nga tufugibwa okwegomba kwaife n'amasanhu aga buli nsambo. Twali ba itima era ab'ensaalwa, ng'abantu batukyagha era nga tukyagha abantu boonaboona.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.

1 Samueli 24:5

Aye Daudi bwe yamala okukola ekyo, omwoyo gwamuluma olw'okusala akatundu k'eigemo ku kanzu ya Saulo.

1 Samueli 24:6

Yaakoba abasaadha be ati: “Musengwa Katonda anhambe ndobe kubaaku kabi ke nkola musengwa wange kyabazinga, Musengwa Katonda oyo ye yasiiga omuzigo. Tighanga naire kugalula mukono ni ndhita oyo Musengwa Katonda ye yasiiga omuzigo.”

1 Samueli 26:21

Agho Saulo yairamu ati: “Nkoze bubi. Ira, mwana wange Daudi, tikairayo kabiri kukukolaku kabi, kuba owoniiza obulamu bwange olwaleero. Bwenebwene mbaire musiru, era nkoze kibi inho.”