2 Samueli 24:1 - Baibuli Ekibono kya Katonda 2014

¹ Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Samueli 24:1 ပူးပေါင်းရင်းမြစ်များ

Amainhama 45:5

Aye mutanakughala, waire okwesungughalira olw'okuba mwantunda eno, kuba Katonda n'eyansindika okubakulemberamu olw'okuwonia obulamu bw'abantu.

Amainhama 50:20

Imwe mwayenda okunkola ekibi, aye Katonda yaayenda kiveemu ekirungi olw'okuwonia obulamu obw'abantu kamaala. Abantu abo bakaali balamu mpegaano, olw'ekyo ekyabaagho.

2 Samueli 12:11

Musengwa Katonda oyo era akoba ati, ‘Bona eno, ndidha kuleetera omuntu ow'omu ndhu yo mwene, akutuuseeku akabi. Ndidha kutoola bakazi bo ng'obona, mbaghe musaadha mwino, abe nabo mu buliri, omusana gwene.

2 Samueli 16:10

Aye kyabazinga Daudi yaakoba Abishai ati: “Mundeke, imwe batabane ba Zeruia. Musengwa Katonda bw'aba nga n'amukobye ati, ‘Vuma Daudi’, naani aghanga okumubuuza ati, ‘Lwaki okoze otyo?’ ”

2 Bakyabazinga 3:6

Kyabazinga Yehoramu kyeyava n'ava mu Samaria, n'asoloza eigye lye mu Isiraeli yoonayoona,

1 Ebyomubyanda 21:1

Agho Sitaani yaasituka okuleeta akabi ku Isiraeli, yaasendasenda Daudi okubala Abaisiraeli.

1 Ebyomubyanda 7:2

Tola yaazaala: Uzzi, ni Refaia, ni Yerieli, ni Yahumai, ni Ibusamu, ni Shemueli, baaba nga n'abakulira enda edh'abaasimuka mu Tola oyo. Era baali balwani ba maani inho mu luse lwaibwe. Mu biseera bya kyabazinga Daudi, abantu abaasimuka mu Tola baali emitwalo ebiri n'enkumi ibiri na lukaaga (22,600).

1 Ebyomubyanda 7:40

Abo boonaboona baali baidhukulu ba Ashera, nga bakulu ba nda dha baiseibwe abamanhiibwa einho, era nga balwani ba maani. Enkalala edh'obuzaale bw'abantu ab'oku nda dha baiseibwe dhiraga nga baalimu abalwani ab'amaani emitwalo ebiri na kakaaga (26,000).

2 Ebyomubyanda 32:25

Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.

Okuvaayo 7:3

Aye nja kukalangusa omwoyo gwe alobe kutya, waire nga ndikola obumanhiso n'ebyewuunhio emikuzi egigheraku mu Misiri.

Ezekieli 14:9

“Omulanzi bw'alimbibwa n'abaaku ni by'ayogera eby'obulimba, nze Musengwa Katonda mwene ninze mba mmulimbye, era ndigolola omukono gwange naamubonereza naamutoolayo mu bantu bange Abaisiraeli.

Ezekieli 20:25

“Agho naabaleka bajiire ku mateeka ni ku biragiro, ebitaleetera muntu abijiiraku kuba mulamu naire.

Abalevi 10:6

Musa yaakoba Aaroni ni batabane be, Eleazari ni Ithamari, ati: “Mutaloba kusunsula nviiri dhaimwe era mutakanulamu ebivaalo byaimwe okwoleka nga munakughaire. Bwe munaakola ekyo mwidha kufa, era Musengwa Katonda aidha kusungughalira ekikunsu kyonakyona eky'abantu. Aye Baisiraeli banaimwe abandi boonaboona, baikirizibwa okulira olw'okufiirwa okwo, okuleeteibwa omuliro Musengwa Katonda gw'asindiike.

Okubala 1:19

Kale atyo Musa yaaghandiika abantu era yaababalira mu irungu ery'e Sinai nga Musengwa Katonda bweyamulagira.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

2 Ab'e Thessalonika 2:11

Katonda kyava abaleetera okudobana ni baikiriza eby'obuguya.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

Abalamuzi 2:20

Agho obusungu bwa Musengwa Katonda bwatumbukira ku Baisiraeli ng'oti muliro, yaakoba ati: “Abantu ab'eighanga lino bamenhie endagaano ye nalagira badhaadha baibwe okukuumanga, era tibakampulira naire.

1 Samueli 26:19

Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!