2 Samueli 23:8 - Baibuli Ekibono kya Katonda 2014

⁸ Gano n'amaina ag'abalwani ab'amaani Daudi be yali nabo: Asooka nga ni Yoshebu Basshebethi ow'e Tahakemoni n'eyali ng'akulira abasatu ab'amaani. Ono ghaligho omukuzi gwe yalwanisa eifumo lye n'abalwani olunaana (800), yaabaita boonaboona.

2 Samueli 23:8 ပူးပေါင်းရင်းမြစ်များ

2 Samueli 10:7

Daudi bwe yakiwulira yaatuma Yoabu n'eigye lyonalyona ery'abalwani ab'amaani.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Ebyomubyanda 11:10

Bano n'abaali abalwani ab'amaani abakologho Daudi be yali nabo. Abo nga bali ghalala n'Abaisiraeli boonaboona baamuleetera okufuuka kyabazinga nga Musengwa Katonda bweyasuubiza eighanga Isiraeli, era baaleetera obwakyabazinga bwe okukakata.

1 Ebyomubyanda 27:1

Luno n'olukalala lw'abakulu b'enda dha baiseibwe, n'abaduumizi b'abaisirukale olukumi olukumi n'ekikumi ekikumi, n'abakungu abaagheerezanga kyabazinga mu bukulembeze mu Isiraeli. Buli mwezi, okumalaku omwaka gwonagwona, ghaabangagho ekikunsu ky'abantu emitwalo ebiri n'enkumi ina (24,000) ekyabanga mu lugobo olw'okugheereza okwo, nga kiriku akikulira:

1 Ebyomubyanda 27:2

Yashobeamu mutabane wa Zabadieli n'eyakuliranga ekikunsu eky'omu lugobo olw'omu mwezi ogusooka, olwalimu abantu emitwalo ebiri n'enkumi eina (24,000).

1 Ebyomubyanda 27:32

Yonathani, muganda wa lata wa Daudi, yali muwi wa magezi, nga musaadha mutegeevu era nga mumanhi inho mu by'amateeka. Yonathani oyo ni Yehieli mutabane wa Hakimoni, n'abaalabiriranga batabane ba kyabazinga.

Abalamuzi 15:15

Agho Samusoni yaabona eigumba ery'oluba olw'endogoyi eyali yaakafa nga liri agho, yaalironda, yaaliitisa abasaadha lukumi (1,000).