2 Samueli 23:3 - Baibuli Ekibono kya Katonda 2014

³ Katonda wa Isiraeli yayogera, oyo olubaale lwa Isiraeli olw'okwewogomamu yankoba ati: Omuntu bw'afuga abantu ng'asala mu butuufu, n'afuga ng'atya Katonda,

2 Samueli 23:3 ပူးပေါင်းရင်းမြစ်များ

Amainhama 33:20

Yaazimbagho alutaari, yaagituuma eriina Eli Elohe Isiraeli.

2 Samueli 22:32

Ghazira Katonda wundi okutoolaku Musengwa Katonda; ghazira lubaale lundi lwa kwewogomamu okutoolaku Katonda waife oyo.

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 10:9

Musengwa Katonda wo asaakibwe, eyayoleka nga bw'akusiimye, n'akufuula kyabazinga wa Isiraeli. Musengwa Katonda oyo agonza inho Isiraeli, kyeyava n'akufuula kyabazinga, olamulenga mu mazima ni mu butuufu.”

Nehemia 5:14

Mu myaka gyonagyona eikumi n'ebiri gye namala nga ndi mufuzi wa Buyudaaya, okuva mu mwaka ogwamakumi abiri (20) nga Arutazerizesi ni kyabazinga, okutuuka mu mwaka gwe ogwamakumi asatu n'ebiri (32), nze waire baganda bange, ghazira yalya ku mere eyandibaire esalirwa abantu okugireetera omufuzi.

Yobu 34:17

Bwenebwene ngoli Katonda takola bituufu, yandighanze okufuga? Osobola okusalira Katonda ow'amaani era omutuufu, omusango okumusinga?

Zabbuli 110:2

Musengwa Katonda era abunisa obufuzi bwo woonawoona ng'aviira mu Sioni. Fuga abazigu bo abakwezungulwire.

Zabbuli 42:9

Nze nkoba Katonda wange, oyo olubaale mwe neegisa, nti: “Lwaki oneerabiire? Lwaki ondekera abazigu okundiza amaziga nga bandaazadaaza?”

Zabbuli 72:1

Wo Katonda, gha kyabazinga okusala emisango mu butuufu bwo; era oghe omulangira oyo okutuukirira ng'okukwo.

Zabbuli 72:2

Afuge abantu bo mu butuufu, era agoloze abatuntuzibwa nga tasaliriza.

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okuvaayo 20:2

ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

Okuvaayo 3:15

Era yaayongera okukoba Musa ati: “Ekyo ky'obe oje okobe Abaisiraeli oti, ‘Musengwa Katonda, Katonda wa badhaadha baimwe, Katonda wa Aburahamu, Katonda wa Isaaka era Katonda wa Yakobo, antumye ye muli’ eryo n'eriina lyange ebyanda n'ebyanda, era ntyo bwe ndidha okwetebwanga ense dhoonadhoona edhiriiragho.

Ensambo 31:9

Boogererengagho, obasalirenga mu butuufu, era olwanirirenga ebyo abaavu n'abali mu bwetaavu bye bagwaniire okukolerwa.”

Isaia 32:1

Bona, ekiseera kiri kwidha ghabeegho kyabazinga alifugira ku butuufu, ghabeegho n'abakulembeze abalikolera ku mazima.

Yeremia 23:5

Musengwa Katonda era yaakoba ati: “Bona eno, ekiseera kiri kwidha, nteegho omwidhukulu omutuufu owa Daudi abe kyabazinga. Aja kufuganga n'amagezi era aidha kukolanga amazima n'ebituufu mu nsi ye.

Zekaria 9:9

Musagambe, musagambe imwe abantu b'e Sioni! Mukube emizira imwe abantu b'e Yerusalemu! Mubone, Kyabazinga waimwe ali kwidha ye muli. Ali kwidhira mu kitiibwa n'obughanguzi. Muwombeefu era ali kwidhira ku ndogoyi; atyaime ku ndogoyi ento.”

Amateeka Agokubiri 32:4

Oyo n'ow'amaani atulwanirira, era akola ebituukiriire, atasaliriza nsonga. Katonda mwesigwa era wa mazima, akola mu butuufu aghazira kuboola.

Abaheburayi 1:8

Aye bw'ayogera ku Mwana akoba ati: “Obwakyabazinga bwo, Katonda ow'ekitiisa, bwa byanda na byanda era ofuga abantu bo mu butuufu: