2 Samueli 23:22 - Baibuli Ekibono kya Katonda 2014

²² Ebyo n'eby'amaani Benaia mutabane wa Yehoiada bye yakola, ni yeekolera eriina mu abo amakumi asatu ab'amaani.

2 Samueli 23:22 ပူးပေါင်းရင်းမြစ်များ

2 Samueli 20:7

Abishai bwe yamala okuja, kwairaku Yoabu n'abasaadha be, n'abaakuumanga kyabazinga Abakerethi n'Abapelethi, n'abasaadha ab'amaani boonaboona. Baava mu Yerusalemu, baaja okubingirira Sheba mutabane wa Bikiri.

2 Samueli 23:20

Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

2 Samueli 23:21

Era yaita Omumisiri nga wa kighaga, ate ng'agemye eifumo mu ngalo. Benaia oyo yaamulumba nga mwene ali na mwigo bwigo, yaamuswankulaku eifumo mu ngalo yaamwitisa lyene eryo.

2 Samueli 23:23

Benaia oyo yamanhikana inho mu abo amakumi asatu, aye tiyatuuka ku idaala lya bale abasatu. Daudi yaamutaagho okukuliranga abaisirukale be abaamukuumanga.

2 Samueli 8:18

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakabona.