2 Samueli 23:20 - Baibuli Ekibono kya Katonda 2014

²⁰ Benaia ow'e Kabuzeeli era mutabane wa Yehoiada, yali mulwani wa ntalo aziramu ntete. Yakola eby'amaani kamaala, nga n'omuli n'okwita abalwani ab'amaani ababiri Abamoabu. Olundi yaita empologoma ng'eri mu kiina, mu biseera eby'omugozi nga gugwire.

2 Samueli 23:20 ပူးပေါင်းရင်းမြစ်များ

2 Samueli 1:23

Saulo ni Yonathani baali bagonzi era abasanhusa! Mu bulamu ni mu kufa tibaayawukana, baali ba mbiro okusinga enkookooma, era baaba ba maani okusinga empologoma.

2 Samueli 20:23

Yoabu n'eyali omuduumizi ow'eigye lyonalyona erya Isiraeli, ate Benaia mutabane wa Yehoiada yaaduumira abaakuumanga kyabazinga Abakerethi n'Abapelethi.

2 Samueli 23:19

Oyo n'eyasinga okumanhikana einho mu abo amakumi asatu, era yaafuuka muduumizi waibwe. Aye ti yatuuka ku idaala lya bale abasatu.

2 Samueli 23:21

Era yaita Omumisiri nga wa kighaga, ate ng'agemye eifumo mu ngalo. Benaia oyo yaamulumba nga mwene ali na mwigo bwigo, yaamuswankulaku eifumo mu ngalo yaamwitisa lyene eryo.

2 Samueli 23:22

Ebyo n'eby'amaani Benaia mutabane wa Yehoiada bye yakola, ni yeekolera eriina mu abo amakumi asatu ab'amaani.

2 Samueli 8:18

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakabona.

1 Bakyabazinga 1:26

Aye nze omugheereza wo, ni Zadoki kabona, ni Benaia mutabane wa Yehoiada, ni Solomoni omugheereza wo, tatwese.

1 Bakyabazinga 1:38

Agho Zadoki kabona, ni Nathani omulanzi, ni Benaia mutabane wa Yehoiada, ni bale abaakuumanga kyabazinga Abakerethi n'Abapelethi, baatyamya Solomoni ku nhumbu ya kyabazinga Daudi, yaagivuga era baaja naye e Gihoni.

1 Bakyabazinga 1:8

Aye Zadoki kabona, ni Benaia mutabane wa Yehoiada, ni Nathani omulanzi, ni Shimei, ni Rei, n'abasaadha ba Daudi ab'amaani, tibaali ku luuyi lwa Adoniya.

1 Bakyabazinga 2:46

Agho kyabazinga Solomoni yaalagira Benaia mutabane wa Yehoiada, yaaja yaita Shimei. Agho obwakyabazinga bwakakata mu mikono gya Solomoni.

1 Ebyomubyanda 12:8

Mu kika kya Gadi mwavaamu abalwani ab'amaani, abaaja okweyimba ku Daudi mu kifo ye yeewogoma mu irungu. Baali n'obumanhirivu mu kulwana entalo, nga bakozesa engabo n'amafumo, nga bamoga bukambwe ng'oti mpologoma era nga basobola okuligita embiro ng'oti n'empuuli edh'oku nsozi.

1 Ebyomubyanda 18:17

Benaia mutabane wa Yehoiada yaakulira Abakerethi n'Abapelethi. Ate batabane ba Daudi baaba bakungu abakulira emirimo gya kyabazinga.

Okuvaayo 15:15

Ab'obuyinza ab'omu Edomu baatya inho; abafuzi ab'omu Moabu baatengera; abantu ab'omu Kanaani baazirika.

Yoshua 15:21

Ku luuyi olw'omukono omusaadha olw'e buvandhuba aghasemberayo irala era ng'oyolekeire ensalosalo ni Edomu, baagheebwayo ebibuga bino: Kabuzeelo, Ederi, Yagura,