2 Samueli 22:29 - Baibuli Ekibono kya Katonda 2014

²⁹ Wo Musengwa Katonda, bwenebwene oli itaala lyange, era niiwe Katonda wange amuliikirira mu nzikiiza.

2 Samueli 22:29 ပူးပေါင်းရင်းမြစ်များ

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

Yobu 29:3

entaala ye yayakiranga agho ku mutwe gwange, okuumulisa mbite mu nzikiiza.

Zabbuli 112:4

Obutangaavu bwidha mu nzikiiza bwamuliikirira abo abatya Katonda, era bwayakira abo ab'ekivunika, abasaasizi era abatuufu.

Zabbuli 18:28

Wo Musengwa Katonda, onkunaanikiiza eitaala waamingaku enzikiiza.

Zabbuli 27:1

Musengwa Katonda n'entaala yange emmuliikirira era n'omulokozi wange, kale ni ghazira ye ntya. Musengwa Katonda n'ekisenge ekigumu mwe neewogoma, kale ni ghazira alintiisatiisa.

Zabbuli 4:6

Abantu kamaala bakoba bati: “Wo! Tugwana twafuna bikalamu byereere! Wo Musengwa Katonda, tulingeku n'amaiso ag'ekisa!”

Zabbuli 84:11

kuba Musengwa Katonda oyo n'endhuba etumuliikirira ye tuja era n'atuwonia ng'oti ngabo. Atusaasira era yaatugha ekitiisa. Abo abakola by'ayenda ghazira kirungi ky'abaima.

Zabbuli 97:11

Obutangaavu bwakira abatuufu, n'eisanhu lyaidhira abo abagondera ebiragiro bya Katonda.

Isaia 50:10

Buli muntu ata mu Musengwa Katonda ekitiisa, era n'ajiira ku ebyo omugheereza wa Musengwa Katonda oyo by'akoba, ni bw'atambulira mu nzikiiza ng'azira kimulika, yeesigenga bwa Musengwa Katonda oyo, agumirenga ku Katonda oyo.

Mika 7:9

Twakola ebibi eri Musengwa Katonda, kale tuli n'okugumira by'ali kutukola. Aye tikiidha kuba kiseera kireeyi, aidha kutuwolereza era atweye amaziga ge tulira olw'ebiinoino abazigu bye batukola. Aidha kutufulumya ku luya eri obutangaavu era twidha kubaagho atulokole nga tubona tuti.

Malaki 4:2

Aye imwe abantaamu ekitiisa, ndireetera amaani gange agalokola okuvaayo, gaababuna ng'oti butangaavu obuva ku ndhuba erimu ekiwonia. Muliba ba idembe, mwaja nga mumaduka ng'oti bunhana buva mu kigo.

Yoanne 12:46

Nze naidha mu nsi ng'ekimuliikirira, kiisi andhikiriza alobe kusigala mu nzikiiza.

Yoanne 8:12

Yesu yaayongera yaakoba abantu ati: “Ninze ekimuliikirira eky'ensi kiisi annonereza taja kutambulira ghali nzikiiza era aja kuba n'obutangaavu obuleeta obulamu.”

Okwolekebwa 21:23

Era ekibuga ekyo tikyetaaga ndhuba, waire mwezi kukyakira, kuba ekitiisa kya Katonda n'obutangaavu bwakyo, era Entaama Ento n'entaala yaakyo.