2 Samueli 22:21 - Baibuli Ekibono kya Katonda 2014

²¹ Musengwa Katonda yansasula ng'ajiira ku butuufu bwange yampa enkabi dhe, kuba nziraku musango.

2 Samueli 22:21 ပူးပေါင်းရင်းမြစ်များ

2 Samueli 22:25

Musengwa Katonda kyava n'ansasula ng'ajiira ku butuufu bwange, era ng'ajiira ku ky'okuba nti nzira musango mu maiso ge.

1 Bakyabazinga 3:6

Solomoni yaakoba ati: “Buliidho obairenga ng'oyoleka nga bw'ogonza einho lata wange Daudi omugheereza wo obutalekera; kuba yali mwesigwa, omutuufu era omwesimbu mu kukolagana n'iwe. Era omukuumiire okugonza kwo okwo okutakoma, waamugha omwana omulenzi afuga mpegaano mu kifo kye.

1 Bakyabazinga 8:32

wuliranga ng'oli eyo mu igulu era olamulenga abagheereza bo. Era bonerezanga aliku omusango nga bw'agwaniire, ate weedheerezenga aziraku musango, omusasulenga ng'ojiira ku butuufu bwe.

Yobu 17:9

Aye abo abeeyeta abatuufu, beeyongera bwa kwegumya bati batuufu.

Zabbuli 19:11

Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Zabbuli 24:4

N'oyo ow'omwoyo omunaabuufu era akola ebituufu; oyo atasinza bitali Katonda, oba okulayirira obwereere.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Ensambo 11:31

Bona eno, oba nga abantu abatuufu mu nsi bagheebwa empeera ebagwaniire, memale ababi n'aboonooni baliroba batya okusasulwamu ekibajaamu?

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

1 Samueli 26:23

Musengwa Katonda asasula buli muntu olw'obutuufu bwe n'obwesigwa bwe. Olwaleero Musengwa Katonda oyo akumpaire mu ngalo dhange, aye nze naaloba kugalula mukono gwange kukola kabi ku oyo Musengwa Katonda ye yasiiga omuzigo.