2 Samueli 21:9 - Baibuli Ekibono kya Katonda 2014

⁹ Abo omusanvu yaabaghaayo eri Abagibeoni babaghanika baabalengeedhia mu maiso ga Musengwa Katonda ku lusozi, era baafiira ghalala boonaboona. Baabaita mu nnaku edhisooka edh'amakungula, ng'abantu baakainhama okukungula sayiri.

2 Samueli 21:9 ပူးပေါင်းရင်းမြစ်များ

2 Samueli 21:6

Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

2 Samueli 6:17

Baaleeta Esanduuku ya Musengwa Katonda baagita mu kifo kyayo, mu Weema Daudi ye yagisimbiragho. Daudi yaaghaayo eri Musengwa Katonda ebigheebwayo ebyokebwa, n'ebigheebwayo olw'okutabagana.

2 Samueli 6:21

Daudi yairamu Mikali ati: “Mbaire ndi kukinira Musengwa Katonda eyalonda nze n'anfuula omukulembeze ow'abantu be Abaisiraeli, mu kifo ky'okulonda lata wo oba omuntu owundi yeenayeena mu ndhu ya lata wo. Era ndidha kuja mu maiso n'okukinira Musengwa Katonda.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okuvaayo 9:31

Mperaano, emisiri egy'obuti obwavangamu wuuzi dhe baalukangamu engoye empegheevu era n'emisiri egya sayiri, omugozi gwagizikiriza; kuba sayiri yali amaze okwenga era ng'obuti bule bwakamulisa.

Okuvaayo 9:32

Aye engaano, tiyayonoonekaku naire, kuba erwagho okutuuka.

Okubala 25:4

Musengwa oyo yaakoba Musa ati: “Twala abakulembeze ab'Abaisiraeli boonaboona obaitire mu maiso gange omusana ng'abantu boonaboona babona, memale obusungu bwange obubitirivu bubaveeku imwe Abaisiraeli.”

Amateeka Agokubiri 21:22

“Omuntu bw'anaakolanga ekibi ekimugwaniiza okufa, era nga mumaze okumwita, ni mumughanika ku muti n'alengeedhera okwo,

Ruthi 1:22

Atyo Naomi bwe yaira ng'ava e Moabu yaira ni Ruthi Omumoabu, namwandu wa mutabane eyafiira e Moabu. Baatuuka e Bethelehemu ng'abantu baakatoolera okukungula sayiri.

1 Samueli 15:33

Samueli yaamukoba ati: “Ng'empiima yo bwe yalekanga abakazi nga baziraku baana, ni inhoko yeena atyo bw'aja okusigala ng'aziraku mwana mu bakazi baine.” Era agho Samueli yaatematema Agagi bukutukutu, agho mu maiso ga Musengwa Katonda e Giligali.