2 Samueli 21:7 - Baibuli Ekibono kya Katonda 2014

⁷ Aye kyabazinga Daudi yaawonia Mefiboshethi mutabane wa Yonathani era mwidhukulu wa Saulo, yaaloba kumughaayo, olw'ekirayiro Daudi oyo ni Yonathani oyo mutabane wa Saulo kye baakola mu liina lya Musengwa Katonda.

2 Samueli 21:7 ပူးပေါင်းရင်းမြစ်များ

2 Samueli 16:4

Kyabazinga yaakoba Ziba ati: “Byonabyona ebibaire ebya Mefiboshethi, mperaano bifuuse bibyo.” Ziba yaamukoba ati: “Isebantu kyabazinga, nkutaamu ekinhagansi! Era ngwananga naakola ebikusiimya buliidho.”

2 Samueli 19:25

Agho bwe yava e Yerusalemu okuja okusangaaza kyabazinga, kyabazinga yaamubuuza ati: “Mefiboshethi, lwaki tiwaja ninze?”

2 Samueli 4:4

Yonathani mutabane wa Saulo yali ni mutabane we eyalemala amagulu, nga bamweta Mefiboshethi. Omwana oyo yali agheza emyaka etaanu egy'obukulu, mu kiseera kye baitiramu Saulo ni Yonathani. Amawulire aga Saulo ni Yonathani okufiira e Yezireeli bwe gaatuuka, omulezi w'omwana oyo yaamubbeeda yaalumuka. Aye mu kugwidhubana agho, omwana yaagwa yaalemala.

2 Samueli 9:1

Lwali lulala Daudi yaabuuza ati: “Ghakaalighooku omuntu ow'omu ndhu ya Saulo akaasigairegho, mmukolere eby'ekisa ku lwa Yonathani?”

2 Samueli 9:10

Ate iwe, ni batane bo, n'abagheereza bo, mwidha kulimiranga ab'endhu ya musengwa wo oyo eitaka eryo, mubaleeterenga bye mukungwire. Olwo baghange okubanga n'emere ey'okulya. Aye Mefiboshethi mwene aidha kuliiranga ghalala ninze ku kiiwulo.” Ziba oyo yali ni batabane be ikumi na bataanu, n'abagheereza amakumi abiri.

2 Samueli 9:6

Agho Mefiboshethi mutabane wa Yonathani era mwidhukulu wa Saulo, yaidha ye Daudi, yaakutama n'ekyeni kyatuuka ku itaka. Daudi yaamweta ati: “Mefiboshethi.” Mefiboshethi yaavugira ati: “Isebo, ndi ghano nze omugheereza wo.”

2 Samueli 9:7

Daudi yaamukoba ati: “Otatya. Ndidha ku kwoleka ekivunika ku lwa lata wo Yonathani, nkwirize eitaka lyonalyona eryali erya dhaadha wo Saulo. Era oidha kuliiranga ghalala ninze ku kiiwulo.”

Omulangirizi 8:2

Ogonderanga ekiragiro kya kyabazinga olw'ekirayiro kye walayira.

1 Samueli 18:3

Agho Yonathani yaita omukago ni Daudi, kuba yagonzanga inho Daudi oyo nga bwe yeegonzanga mwene.

1 Samueli 20:12

Era Yonathani yaayongera okukoba ati: “Musengwa Katonda wa Isiraeli k'abe omudhulizi. Olwaidho mu kiseera ng'oti ni kino oba olwadhuuzi, ndidha kuleba lata wange ankobere. Bwe nnaabona ng'ali kukwogeraku bukalamu, ndidha kukusindikira obukwenda nkumanhise.

1 Samueli 20:15

Era olaganga ab'endhu yange okugonza kwene okwo ebyanda n'ebyanda. Musengwa Katonda ni bw'azikirizanga abazigu bo, iwe Daudi, okubamalagho,

1 Samueli 20:17

Yonathani yairamu okulayiza Daudi amugonzenga, kuba Yonathani yagonzanga inho Daudi ng'oti ni bwe yeegonzanga mwene.

1 Samueli 20:42

Yonathani yaakoba Daudi ati: “Ja miraala. Twembi ka tusigale nga bwe tulayiire mu liina lya Musengwa Katonda, nga tukoba tuti, ‘Musengwa Katonda aidha kubanga ghagati ghange n'iwe, era abenga ghagati gh'eizaire lyange n'eriryo ebyanda n'ebyanda.’ ” Agho Daudi yaasituka yaaja, ate Yonathani yairayo mu kibuga.

1 Samueli 20:8

Kale ni ngemerwa ekivunika nze omugheereza wo, kuba twaita omukago mu maiso ga Musengwa Katonda. Aye bwemba ng'omusango gunsinga, iwe mwene ndhita, kuba tibona nsonga ekuntwazisa ya lata wo kundhita.”

1 Samueli 23:18

Agho bombi baakola endagaano mu maiso ga Musengwa Katonda. Bwe baamala, Yonathani yairayo eka ate Daudi yaasigala e Horeshi.

1 Samueli 24:22

Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.