2 Samueli 21:6 - Baibuli Ekibono kya Katonda 2014

⁶ Kale ni batughe abantu musanvu ku baidhukulu be, tubasibe emigugha mu nkoto tubalengeedhie mu maiso ga Musengwa Katonda e Gibea ku lusozi lwa Musengwa Katonda.” Kyabazinga yaabairamu ati: “Ndidha kubagha abantu abo omusanvu.”

2 Samueli 21:6 ပူးပေါင်းရင်းမြစ်များ

Amainhama 40:19

Mu nnaku isatu kyabazinga aidha kukutoola mu ikomera, alagire bakutemeku omutwe, era bakughanike olengeedhere ku muti, enhonhi dhirye omulambo gwo.”

Amainhama 40:22

Aye kyabazinga yaaghanika omufumbi omukulu yaalengeedhera ku muti, yaafa, nga Yosefu bweyavuunula ebirooto.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

2 Samueli 18:10

Ghaabaagho omuntu eyabona, yaaja yaakobera Yoabu ati: “Bona eno, mboine Abusalomu ng'ali kulengeedhera mu muti omukologho!”

2 Samueli 19:28

Ab'endhu ya lata wange twenatwena twali tugwaniire bwa kwitibwa iwe Isebantu kyabazinga, aye nze omugheereza wo wanta mu abo abalya ku kiiwulo kyo. Kabiri obukumu mbutoola gha okusaba Isebantu kyabazinga okunkolera ekisinga agho?”

1 Ebyomubyanda 12:3

Ahiezeri n'eyali akulira abalwani abo ate Yoashi yaamwiraku, abo bombi nga batabane ba Shema ow'e Gibea. Amaina ag'abalwani abo ni gano: Yezieli ni Peleti, batabane ba Azimafethi, Beraka, ni Yehu ow'e Anathothi,

Ezera 6:11

Era ndi kulagira nti omuntu yeenayeena anaakyusaamu ku kiragiro kino, baidha kutoolanga omulabba ku ndhu ye yeene, bamale bamulengeedhezenga okwo afe. Era endhu ye baidha kugifuulanga kifo ghe babunga obusa.

Matayo 27:5

Agho Yuda yaasuula ebitundu bya feeza bire mu isinzizo. Yaava agho, yaaja yeetuga.

Ebikolwa by'Abatume 13:21

Agho baasaba okugheebwa kyabazinga, Katonda yaabagha Saulo mutabane wa Kishi ow'omu kika kya Benjamini, yaabafugira emyaka amakumi ana (40).

Amateeka Agokubiri 21:22

“Omuntu bw'anaakolanga ekibi ekimugwaniiza okufa, era nga mumaze okumwita, ni mumughanika ku muti n'alengeedhera okwo,

Yoshua 10:26

Bwe yamala, yaita bakyabazinga abo era yaabaghanika ku miti etaanu. Emirambo gyaibwe gyalengeedhera okwo okutuusa olw'eigulo.

Yoshua 8:29

Era yaaghanika kyabazinga ow'e Ayi ku muti, yaalengeedhera okwo yaafa. Omulambo gwe baaguleka ku muti okwo okutuusa olw'eigulo. Endhuba bweyali ng'eri kumpi kugwa Yoshua yaalagira, baatoola omulambo ogwo ku muti, baagusuula aghaalinga omulyango ogwangiranga mu kibuga. Bwe baamala, baagubungaku emungo ey'amabaale enkologho ekaaligho ni ye buli eno.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”

1 Samueli 10:26

Ni Saulo yeena yaaja ewuwe e Gibea. Yaaja n'abasaadha abaziramu ntete naire, Katonda be yagumya emyoyo.

1 Samueli 11:4

Abakwenda bwe baatuuka e Gibea ekya Saulo, baakobera abantu ebibono ebyo. Agho abantu boonaboona baalira inho amaziga.

1 Samueli 24:21

Aye ndayirira mu liina lya Musengwa Katonda nga tolizikiriza izaire lyange nga nviiregho, era tolisaaniagho liina lyange mu ba ndhu ya lata wange.”

1 Samueli 24:22

Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.