2 Samueli 21:16 - Baibuli Ekibono kya Katonda 2014

¹⁶ Ghaabaagho Ishibibenobu nga wa ku lulyo olw'abantu abawaigufu. Yali n'eifumo lya kyuma kya kikomo nga lizitogha kilo ng'oti isatu n'ekitundu, era nga yeesibye olusibiro mu nkende olwaliku empiima empyaka. Agho omusaadha oyo yaagezaaku okwita Daudi.

2 Samueli 21:16 ပူးပေါင်းရင်းမြစ်များ

Amainhama 14:5

Mu mwaka ogweikumi n'ena Kedorilaomeri ni bakyabazinga abaali ku luuyi lwe, baidha n'amagye gaibwe baaghangulira Abarefa mu Ashiterothi Karanaimu, n'Abazuzi mu Hamu, n'Ababemi mu Shave Kiriathaimu,

Amainhama 6:4

Mu biseera ebyo ni mu biseera ebyairirira, abaana ab'omu igulu baazaalanga abaana mu baana abaghala ab'abantu abaana abo n'abaafuuka abantu ab'amaani, abawaigufu era abakanu, abaayetebwanga Nefilimu, abaamanhikana einho mu biseera ebyabita.

2 Samueli 21:18

Olwo nga luwoire, kabiri ghaabalukagho olutalo olundi n'Abafilisiti e Gobu. Sibbekai ow'e Husha yaita Safi, ow'oku lulyo olw'abantu abawaigufu.

2 Samueli 21:20

Kabiri era ghaabaayo olutalo e Gathi omwali omusaadha omukologho ng'ali n'engalo mukaaga ku buli mukono, n'obugere mukaaga ku buli kigere byonabyona aghalala amakumi abiri na bina. Yeena yali wa ku lulyo olw'abantu abawaigufu.

2 Samueli 21:22

Abo abana baali ba ku lulyo olw'abantu abawaigufu abaali e Gathi, era Daudi n'abasaadha be n'abaabaita.

2 Samueli 5:18

Agho, Abafilisiti baatuuka mu kiiko ky'e Refa, baakibuna kyonakyona.

Okubala 13:22

Baaniinaniina baingira mu kiketezo ekikalukalu eky'oku luuyi olw'omukono omusaadha olw'e buvandhuba, baaja baatuuka e Heburoni. Eyo n'eyali ab'ekika kya Ahimani n'ab'ekika kya Sheshai n'ab'ekika kya Talumai, baidhukulu ba Anaki. Heburoni ekyo, n'ekyasooka okuzimbibwa ghaabitagho emyaka musanvu, memale Zoani kyazimbibwa mu Misiri.

Okubala 13:28

Aye abantu baayo ba maani, n'ebibuga byaibwe binene inho era nga baabyezunguluza ebimante ebigumu. Ate ebyo nga bikaali agho, twabonayo baidhukulu ba Anaki.

Amateeka Agokubiri 1:28

Kifo ki kye tuli kujaamu ekyo? Banaife be twatumye yo, batumazeemu amaani nga bakoba bati abantu abaliyo bakologho era baleeyiriri okutusinga. Ebibuga byayo bikologho era byezungulwirwa ebimante ebigumu ebituuka ku igulu. Era bati baabonayo n'abantu Abanaki!’”

Amateeka Agokubiri 2:10

Mu biseera eby'eira, mu Ari mwabangamu abantu Abaemi. Bano baali eighanga eikologho era ery'amaani, nga bawaigufu ng'oti Banaki.

Amateeka Agokubiri 2:11

Era boona baayetebwanga Barefa ng'Abanaki, aye nga Abamoabu babeeta Baemi.

Amateeka Agokubiri 2:21

Baali eighanga eikologho ery'abantu kamaala abawaigufu ng'oti Banaki. Aye Musengwa Katonda yaabazikiriza. Olwo Abammoni baababingamu, beene baasenga mu kifo kyaibwe.

Amateeka Agokubiri 3:11

Kyabazinga ow'e Bashani oyo, Ogi, n'eyali akaasigairegho ku lulyo olw'Abarefa. Obuliri bwe nga bwa kyuma ekigumu einho. Bwali bugheza mita ina mu buleeyi, n'emita kumpi ibiri mu bugazi, ng'ojiira ku bipimo ebitongole abantu bye baapimisanga. Obuliri obwo bukaaliyo mu Rabba, ekibuga ky'Abamori.

Amateeka Agokubiri 9:2

Abantu baamu bakologho era baleeyiriri baidhukulu ba Anaki abawaigufu, be mwawuliraku nga baboogeraku bati, ghazira asobola kukana kubalwanisa.

Yoshua 11:22

Mu biketezo byonabyona eby'Abaisiraeli timwasigala Muanaki waire mulala, okutoolaku abatonotono abaasigalaku mu Gaza, Gathi ni mu Ashidodi.

Yoshua 15:14

Kalebu yaabingamu baidhukulu ba Anaki abaava mu baana be bano: Sheshai, Ahimani ni Talumai.

1 Samueli 17:7

Olunhago olw'eifumo lye lwali nga lwaga n'ekiti kye balukisa olugoye obunene. Ate eifumo lyene nga lizitogha kilo ng'oti musanvu. Era yali n'omuntu eyamugemeranga engabo, nga n'amukulemberamu.