2 Samueli 21:14 - Baibuli Ekibono kya Katonda 2014

¹⁴ Kale baaziika amagumba ga Saulo n'aga mutabane we Yonathani mu magombe ga Kishi lata wa Saulo oyo e Zela mu kiketezo kya Benjamini. Era baakola byonabyona kyabazinga Daudi bye yalagira. Ebyo bwe byawa, Katonda yaabagha bye baasabira ensi yaibwe.

2 Samueli 21:14 ပူးပေါင်းရင်းမြစ်များ

2 Samueli 21:13

Daudi yaatoolayo amagumba ga Saulo n'aga Yonathani mutabane we. Era baasoloza n'amagumba aga bale be baaghanika ni babalengeedhia.

2 Samueli 24:25

Era yaazimbira agho Musengwa Katonda alutaari yaagheerayo ebigheebwayo ebyokebwa n'ebigheebwayo olw'okutabagana. Kale Musengwa Katonda yaabagha bye baasabira ensi era yaalekeza n'ekibamba ekyali kiri kwita abantu mu Isiraeli.

2 Samueli 3:32

Baaziika Abuneri e Heburoni, kyabazinga yaakuba empungu, yaalira amaziga, ku magombe ga Abuneri n'abantu abandi boona baalira.

2 Samueli 4:12

Agho Daudi yaalagira abaisuka be baita Rekabu ni Baana, baabatemaku emikono n'ebigere, era emirambo gyaibwe baagirengeedhia agho ku mbali kw'ekidiba ekiri e Heburoni. Omutwe gwa Ishiboshethi baagutwala, baaguziika mu magombe ga Abuneri e Heburoni.

Yona 1:15

Agho batoola Yona baamusuula mu nhandha, enhandha yaalaala.

Zekaria 6:8

Agho malaika yaakaabuka yankoba ati: “Bona eno, embalaasi edhijiire ku luuyi olw'omukono omugooda olw'e buvandhuba dhireeteire obusungu bwa Musengwa Katonda okuwoleera.”

Okubala 25:13

emufuula mwene n'eizaire eririmwiririra okubanga bakabona olubeerera; kuba enkikidi yamugema ku lwange nze Katonda we, era yaaleetera Abaisiraeli okutoolebwaku ekibi kyaibwe.”

Okubala 25:8

yaanonereza omusaadha oyo Omuisiraeli n'omukazi oyo Omumidia. Yaabaagaana mu kisenge, yaabafumita eifumo lyababitamu bombi. Agho ekibamba Musengwa kye yali asindikiire Abaisiraeli kyalekera agho okubaita.

Yoshua 18:28

Zela, Haelefu, Yebusi, ekyo nga ni Yerusalemu, Gibea, ni Kiriathi Yearimu. Ebyo nga n'ebibuga eikumi n'ebina (14) n'ebyalo byaku. Ebyo byonabyona nga n'omugabo ogwagheebwa ekika eky'Ababenjamini ng'enda dhaibwe bwe dhaali.

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.

1 Samueli 10:2

Olwaleero bw'onaava ghano ghe ndi, oidha kwagaana abantu babiri, nga bali kumpi n'amagombe ga Rakeli e Zeluza mu kiketezo kya Benjamini. Baidha kukukobera bati endogoyi dhe wajiire okwagala dhiboneike, era bati mpegaano lata wo aviire ku kulowooza ku ndogoyi, yaira ku kweraliikirira bwa iwe, ng'akoba ati, ‘Nnaakola ntya olw'omwana wange?’