2 Samueli 21:1 - Baibuli Ekibono kya Katonda 2014

¹ Agho mu kiseera Daudi kye yafugiramu Isiraeli endhala yaagwa, yaalumira emyaka esatu egiiraganwaku. Daudi yaaja yeebuuza ku Musengwa Katonda. Musengwa Katonda yaamukoba ati: “Saulo n'ab'endhu ye baliku omusango ogw'obutemo, kuba Saulo yaita Abagibeoni.”

2 Samueli 21:1 ပူးပေါင်းရင်းမြစ်များ

Amainhama 12:10

Agho endhala yaagwa mu Kanaani, Aburamu yaaja mu Misiri yaasenga eyo okumala entangama, kuba endhala yali egwire ya maani.

Amainhama 26:1

Agho endhala eyindi yaagwa mu nsi, okuleka ere eyagwa mu biseera bya Aburahamu. Isaaka yaaja eri Abimeleki, kyabazinga w'Abafilisiti mu Gerari.

Amainhama 41:57

Abantu baavanga mu nsi edhindi dhoonadhoona, baaja mu Misiri eri Yosefu okugula engaano, kuba endhala yali ya maani inho woonawoona.

Amainhama 42:5

Agho batabane ba Isiraeli baidha ghalala n'abantu abandi okugula engaano, kuba endhala yali egwire mu nsi ey'e Kanaani.

Amainhama 43:1

Endhala yeeyongera inho okuluma abantu mu nsi ey'e Kanaani.

2 Samueli 16:8

Musengwa Katonda akwesasuuliizaaku olw'okwita ab'endhu ya Saulo, era n'omunhagaku obwakyabazinga bwe. Buti Musengwa Katonda obwakyabazinga obwo abughaire Abusalomu mutabane wo, era iwe otuuse okuzikirira olw'okuba omutemo.”

2 Samueli 20:26

Ira eyali Omuyairi, yeena yali kabona wa Daudi.

2 Samueli 21:5

Baamwiramu bati: “Saulo oyo yatutirimbula, yaayenda bwa kutuzikiriza twenatwena tuweegho mu Isiraeli.

2 Samueli 24:1

Agho Musengwa Katonda kabiri yaasungughalira inho Abaisiraeli, yaaleetera Daudi okubatuusaaku akabi. Yaakoba Daudi ati: “Ja obale Abaisiraeli n'Abayudaaya.”

2 Samueli 5:19

Daudi yeebuuza ku Musengwa Katonda ati: “Nje nwane n'Abafilisiti? Onandeetera okubaghangula?” Musengwa Katonda yairamu ati: “Ja. Bwenebwene ndidha kukuleetera okubaghangula.”

2 Samueli 5:23

Era Daudi bwe yeebuuza ku Musengwa Katonda. Musengwa Katonda yamwiramu ati: “Otabalumba ng'ova ghano, aye weetooloole obave e mugongo, obalumbire kumpi n'emiti emibalisamu.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 18:2

Kale Eliya yaaja yeeyoleka y'Ahabu. Olwo endhala yali eri kuluma inho mu Samaria.

2 Bakyabazinga 6:25

Okuzingiza okwo kwaleeta endhala ey'amaani mu kibuga, omutwe gw'endogoyi gwatuuka okugula ebitundu ekinaana ebya feeza, n'akatundu akalala ku buli butundu obuna obwa saabira w'enjiibwa kaagula ebitundu bitaanu ebya feeza.

2 Bakyabazinga 8:1

Elisha yali akobye omukazi Omushunami mwene mwana Elisha oyo ye yaizaamu obulamu, ati: “Kola oje n'ab'endhu yo, obone y'onaaghanga okusenga, kuba Musengwa Katonda aja kusindika endhala ku nsi emale emyaka musanvu ng'eri kuluma.”

Yobu 10:2

Ndidha kukoba Katonda nti otansalira bwa musango kunsinga, aye mmanhisa ky'onvunaana.

Zabbuli 27:8

Wankoba oti: “Idha onsinze.” Mpegaano nze nkoba nti: “Musengwa Katonda, ndidhie okukusinza

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:15

Bw'anandhetanga ndidha kumuvugiranga; ndidha kubanga ghalala naye mu buli kizibu. Mmuwonienga ebimunhigiriza, era mmugheesenga ekitiisa.

Abalevi 26:26

Ndidha kubasindikiranga endhala, emere yaimwe ekendeere, abakazi eikumi babe nga beetaaga bwa ziiko ndala yonka okufumbiramu emigaati egirigho. Banaagibapimiranga bupimire mwagirya gyonagyona, aye ate mwaloba kwiguta.

Okubala 27:21

Yoshua oyo aidha kujanga ye Eleazari kabona, Eleazari kabona oyo akozesenga Urimu ni Thummimu okumubuulizaagho eri nze Musengwa Katonda, aghange okumanha kye nhenda akole. Era ekyo Eleazari ky'anaazuulanga, Yoshua n'Abaisiraeli boonaboona kye banaajiirangaku mu buli kye banaakolanga.”

Yoshua 7:1

Musengwa Katonda yalagira Abaisiraeli okuzikiriza Yeriko n'ebikirimu byonabyona. Aye omusaadha eyayetebwanga Akyani tiyagondera kiragiro ekyo, yaatwala ku bintu ebyali biri n'okuzikirizibwa. Akyani ono yali mutabane wa Karumi era mwidhukulu wa Zabudi, era mwidhukulu wa Zera ow'ekika kya Yuda. Agho obusungu bwa Musengwa Katonda bwayakira ku Baisiraeli ng'oti muliro.

Yoshua 9:20

Kye tuli n'okukola, kubaleka nga balamu bwe tutakola tutyo, obusungu bwa Musengwa Katonda bwidha kutwakiraku ng'oti muliro.

Ruthi 1:1

Eira einho, ensi Isiraeli ng'efugibwa balamuzi, endhala yagwa mu nsi eyo Isiraeli. Ghaabaagho omusaadha ow'e Bethelehemu eky'omu Buyudaaya, yaalumuka mu nsi eyo Isiraeli yaaja yaasenga mu nsi Moabu. Yaja ni mukazi we ni batabane baibwe babiri.

1 Samueli 10:22

Beeyongera okwebuuza ku Musengwa Katonda bati: “Omusaadha oyo ali ghano, oba ekaaliyo owundi?” Musengwa Katonda yairamu ati: “Wuule yeegisiisa mu bintu.”

1 Samueli 23:11

Obwo abantu ab'e Keila banampaayo mu ngalo dhe? Obwo bwenebwene Saulo anaidha nga nze omugheereza wo bwe mpuliire? Wo Musengwa Katonda wa Isiraeli, nkweghembye nkobera nze omugheereza wo.” Musengwa Katonda yaamwiramu ati: “Aidha kwidha.”

1 Samueli 23:2

Kale Daudi yeebuuza ku Musengwa Katonda ati: “Nje numbe Abafilisiti abo?” Musengwa Katonda yaamwiramu ati: “Ja obalwanise, owonie ab'omu kibuga Keila.”

1 Samueli 23:4

Agho Daudi yeebuuza ku Musengwa Katonda kabiri. Musengwa Katonda yaamwiramu ati: “Situkiramu oje e Keila, kuba ndidha kukugha Abafilisiti abo obaghangule.”