2 Samueli 20:6 - Baibuli Ekibono kya Katonda 2014

⁶ Daudi n'okukoba Abishai ati: “Sheba oyo mutabane wa Bikiri aidha kutukola ekibi ekiwulaku n'ekya Abusalomu kye yatukola. Kale twala ku bagheereza bange omubingirire, ng'akaali na kwefunira bibuga ebiriku ebimante ebigumu, kutufuukira kizibu.”

2 Samueli 20:6 ပူးပေါင်းရင်းမြစ်များ

2 Samueli 10:14

Abammoni bwe baabona ng'Abasiria balumwike, boona baalumuka Abishai bangira mu kibuga. Agho Yoabu yaakyuka yaavaayo y'okulwana n'Abammoni, yaira e Yerusalemu.

2 Samueli 11:11

Uria yaamwiramu ati: “Esanduuku y'Endagaano eri mu ntindi, n'abasaadha aba Isiraeli n'aba Yuda boonaboona basula mu ntindi. Era musengwa wange Yoabu n'abagheereza be, basimbye weema dhaibwe mu irungu. Memale nze nnaaja ntya eka, okulya, okunhwa n'okusula ni mukazi wange? Busa naire. Ndayira musengwa wange iwe kyabazinga omulamu nti, tiidha kukola kintu ng'oti n'ekyo.”

2 Samueli 18:12

Aye omusaadha yairamu Yoabu ati: “Ni bwe nandibaire nga ngemye ku bitundu olukumi (1,000) ebya feeza, tyandighanze kugalula mukono okukola akabi mutabane wa kyabazinga. Twenatwena twawulira nga kyabazinga akulagira iwe ni Abishai, ni Ittai, ati, ‘Ku lwange, omwisuka oyo Abusalomu mutamukolaku kabi koonakoona.’

2 Samueli 18:2

Yagabaniamu eigye mu bikunsu bisatu nga byagayaga: ekikunsu ekirala ku ebyo nga kiduumirwa Yoabu, ekindi kyaduumirwa Abishai mutabane wa Zeruia era muganda wa Yoabu, ate ekindi kyaduumirwa Ittai Omugitti. Era kyabazinga Daudi yaakoba abantu ati: “Ninze mwene zeena ndidha kuja n'imwe.”

2 Samueli 19:7

Kale ni situkiramu oje oyogere bukalamu n'abagheereza bo, kuba ndayira Musengwa Katonda nti bw'otaaje, tighaidha kubaagho muntu asigala n'iwe obwire buno. Ekyo kiidha kukuviiramu akabi akatakobeka, akatakutuukangaku kasookanga obaagho.”

2 Samueli 2:18

Batabane ba Zeruia abasatu boona baali mu lutalo olwo: Yoabu, Abishai, ni Asaheli eyalumukanga einho ng'oti mpuuli.

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

2 Samueli 23:18

Abishai muganda wa Yoabu era nga inhina ni Zeruia, n'eyali akulira abalwani amakumi asatu ab'amaani. Abishai oyo yaalwanisa abantu ebikumi bisatu n'eifumo lye yaabaita, yeekolera eriina mu balwani amakumi asatu abo.

2 Samueli 3:30

Kale Yoabu ni muganda we Abishai, batyo bwe baita Abuneri nga bamwesasuulizaaku olw'okwita muganda waibwe Asaheli, mu lutalo olwali e Gibeoni.

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

1 Bakyabazinga 1:33

kyabazinga yaabakoba ati: “Muje n'abakungu bange, mutyamye mutabane wange Solomoni ku nhumbu yange yeene, y'abe avuge. Olwo muserengete e Gihoni,

1 Ebyomubyanda 11:20

Abishai muganda wa Yoabu, n'eyali akulira abalwani amakumi asatu ab'amaani. Abishai oyo yaalwanisa abantu ebikumi bisatu n'eifumo lye, yaabaita, yeekolera eriina mu balwani amakumi asatu abo.

1 Ebyomubyanda 18:12

Agho Abishai mutabane w'omukazi eyayetebwanga Zeruia, yaita Abaedomu omutwalo mulala na kanaana (18,000) mu Kiiko ekyetebwa eky'Omuunhu.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Mariko 3:24

Era obwakyabazinga obweyawulamu tibusobola kubaagho.

1 Samueli 26:6

Daudi yaakoba Ahimeleki Omuhitti, ni Abishai muganda wa Yoabu era Mutabane Zeruia, ati: “Naani anaaja ninze ye Saulo, mu kifo ghe baasimba weema?” Abishai yaakoba ati: “Nze ndidha kuja n'iwe.”