2 Samueli 20:21 - Baibuli Ekibono kya Katonda 2014

²¹ Era ekyo ti kye ndi kuja okukola naire. Aye ghaligho omusaadha ava mu biketezo eby'oku nsozi ebya Efuraimu ng'ayetebwa Sheba mutabane wa Bikiri, eyadheemera kyabazinga Daudi. Kale ni mumugheeyo oyo yenka ati, ng'olwo nze ekibuga nkireka.” Omukazi yaamukoba ati: “Bona eno, omutwe gwe twidha kugukusuulira tugutumye ekimante.”

2 Samueli 20:21 ပူးပေါင်းရင်းမြစ်များ

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 20:2

Kale Abaisiraeli boonaboona bava ku Daudi, baaja ni Sheba mutabane wa Bikiri. Aye ab'omu kika kya Yuda baagumira ku kyabazinga waibwe, baaja naye okuva e Yorudani okutuuka e Yerusalemu.

2 Samueli 20:20

Yoabu yaamwiramu ati: “Ekyo tikiribaagho, tikiribaagho naire, nze okwenda okusaaniagho oba okuzikiriza!

2 Samueli 23:18

Abishai muganda wa Yoabu era nga inhina ni Zeruia, n'eyali akulira abalwani amakumi asatu ab'amaani. Abishai oyo yaalwanisa abantu ebikumi bisatu n'eifumo lye yaabaita, yeekolera eriina mu balwani amakumi asatu abo.

1 Bakyabazinga 11:26

Era ni Yeroboamu mutabane wa Nebati ow'e Zereda mu Efuraimu, inhina nga ni namwandu ayetebwa Zerua, yeena yaadheemera kyabazinga Solomoni, musengwa we.

2 Bakyabazinga 10:7

Kale embaluwa ya Yehu bwe yabatuukaku, baatwala abaana abo boonaboona ensanvu baabaita, baata emitwe gyaibwe mu biibo, baagigheereza Yehu e Yezireeli.

2 Bakyabazinga 5:22

Gehazi yairamu ati: “Busa, ezirayo kizibu. Aye musengwa wange antumye nkukobe nti, ‘Mu kaseera kano abaisuka babiri ku b'omu kikunsu ky'abalanzi, bava kwidha ye ndi nga baviira mu kiketezo kya Efuraimu eky'ensozi. Nkweghemba obampeere ebitundu bya feeza enkumi isatu (3,000), n'ebivaalo ebirungi bibiri.’”

Yeremia 4:15

Ghaligho abakwenda abaviire mu kibuga Dani ni mu nsozi dh'omu Efuraimu, okulangirira akabi akali kwidha.

Yeremia 50:19

Ndiizaayo Abaisiraeli mu nsi yaibwe, baalya emere erimwa ku lusozi Karumeli, ni mu kiketezo ky'e Bashani. Era balirya nga bwe benda, ku bibala ebirimwa mu kiketezo kya Efuraimu ni mu kya Gileadi.

Yoshua 24:33

Mu biseera ebyo, Eleazari mutabane wa Aaroni yeena yaafa, era baamuziika kumpi n'ekibuga Gibea ekiri mu kiketezo eky'ensozi eky'Abaefuraimu, ekibuga ekyo nga kyagheebwa mutabane we Finehasi.

Abalamuzi 2:9

Era baamuziika ghe yafuna ng'obutaka bwe e Timunathi Sera, ekiri mu kiketezo eky'oku nsozi eky'Abaefuraimu, ku luuyi olw'omukono omugooda olw'e buvandhuba w'olusozi Gaashi.

Abalamuzi 7:24

Gideoni yaatuma abakwenda mu kiketezo kyonakyona ekya Efuraimu eky'ensozi, yaabakoba ati: “Muserengete ghansi mulwanise Abamidia. Muzingize, mugeme omwiga Yorudani n'ebiketezo ebindi eby'amaadhi okutuuka e Bethibara.” Kale ab'ekika kya Efuraimu baayetebwa, baidha baagema omwiga Yorudani n'ebiketezo ebindi eby'amaadhi.

Abalamuzi 9:55

Abaisiraeli bwe baabona nga Abimeleki afiire, bairayo ewaibwe boonaboona.

1 Samueli 24:6

Yaakoba abasaadha be ati: “Musengwa Katonda anhambe ndobe kubaaku kabi ke nkola musengwa wange kyabazinga, Musengwa Katonda oyo ye yasiiga omuzigo. Tighanga naire kugalula mukono ni ndhita oyo Musengwa Katonda ye yasiiga omuzigo.”

1 Samueli 26:9

Aye Daudi yaakoba Abishai ati: “Busa, otamuzikiriza, kuba naani akola akabi ku oyo Musengwa Katonda ye yasiiga omuzigo, n'atabaaku musango?”