2 Samueli 20:19 - Baibuli Ekibono kya Katonda 201419 Ninze omulala ku abo abenda emiraala era abeesigwa mu Isiraeli. Iwe oli kwenda okuzikiriza ekibuga ekizaire mu Isiraeli. Lwaki oli kwenda okusaaniagho abantu ba Musengwa Katonda?” အခန်းကိုကြည့်ပါ။ |
Hushai oyo yaayongeraku ati: “Buti ni mwangughe mugheereze Daudi obukwenda nga mumukoba muti, ‘Obwire bwaleero mutasula mu bifo eby'omu irungu omwiga ghe gusomokerwa, aye musomoke mweyongereyo, kuba iwe Isebantu kyabazinga n'abantu boonaboona b'oli nabo, abazigu basobola okubalumba baabasaaniagho.’ ”
Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.
Isebantu kyabazinga, mperaano ni nkweghemba owulire bye nja okukoba, nze omugheereza wo: Bw'aba nga Musengwa Katonda n'akuleeteire okundhiigania, ka mmusabe aganhe okumugha ekigheebwayo. Aye bwe baba nga bantu, abo Musengwa Katonda abakolimire kuba mperaano baaminze mu nsi ya Musengwa Katonda ey'ensikirano, bansindika mu nsi ey'endha okugheereza emisambwa!