2 Samueli 20:16 - Baibuli Ekibono kya Katonda 2014

¹⁶ Ghaabaagho omukazi omugezi ng'ali mu kibuga ekyo, yaaba eyo yaayeta ati: “Muwulire, muwulire! Mbeeghembye munkobere Yoabu aseete ghano ndhogereku naye.”

2 Samueli 20:16 ပူးပေါင်းရင်းမြစ်များ

2 Samueli 14:2

Kale Yoabu yaayetesa omukazi omugezigezi, baamuleeta okuva e Tekoa. Yaamukoba ati: “Weekoze obe ng'oti n'omuntu afiiriirwa, weesibe ekikaakaati, era olobe kwesiigaku kazigo naire obeere irala ng'omuntu amaze entangama ng'alira omufu.

2 Samueli 20:17

Yoabu yaaseeta kumpi n'omukazi ghe yali. Omukazi yaamubuuza ati: “Niiwe Yoabu?” Yoabu yairamu ati: “Ninze.” Omukazi yaamukoba ati: “Nkweghemba owulirise bye nkukoba nze omugheereza wo omukazi.” Yoabu yaamwiramu ati: “Ndi kuwulirisa.”

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

Danieli 2:14

Agho Danieli yaaja ye Arioki omukulu w'abaisirukale abaakuumanga kyabazinga, eyali aidhie okwita abagezigezi ab'omu Babilonia. Yaakozesa amagezi n'obwegendereza,

1 Samueli 25:3

Omusaadha oyo yali wa ku lulyo lwa Kalebu era nga eriina lye ni Nabali, ate eriina lya mukazi we nga ni Abigaili. Omukazi oyo yali nga mutegeevu era nga mulungi mu mboneka ye. Aye iba oyo, yali wa ikabyo era nga wa mpisa mbi.