2 Samueli 20:13 - Baibuli Ekibono kya Katonda 2014

¹³ Omulambo gwa Amasa bwe baamala okugutoola mu luguudo, abantu boonaboona baanonereza Yoabu okubingirira Sheba mutabane wa Bikiri.

2 Samueli 20:13 ပူးပေါင်းရင်းမြစ်များ

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 20:11

Ghaabaagho omuntu mulala ku basaadha ba Yoabu, yaayemerera kumpi ni Amasa yaakoba ati: “Kiisi ayenda Yoabu era ng'ali ku luuyi lwa Daudi, anonereze Yoabu.”

2 Samueli 20:14

Agho Sheba yaabita mu bika byonabyona ebya Isiraeli, yaatuuka mu kibuga Abeli eky'e Bethi Maaka. Ababikiri boonaboona beesoloza, baamunonereza ng'aingira ekibuga.

2 Bakyabazinga 18:17

Agho kyabazinga w'e Assiria ng'ali e Lakishi, yaasindika eigye eikologho nga likulirwa abakungu be basatu abakulira bakungu banaibwe boonaboona, lyaja okulumba Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

Ensambo 16:17

Abantu abeesimbu beekuuma obutagwa mu kibi; abo abeegendereza bakuuma obulamu bwaibwe.

Isaia 36:2

Agho kyabazinga w'e Assiria oyo yaasindika omukungu we akulira baine boonaboona, ave e Lakishi ng'ali n'eigye eikologho, aje alumbe kyabazinga Hezekia e Yerusalemu. Bwe baatuukayo, baayemerera gha mweta oguleeta amaadhi okuva mu nsulo y'eitale eri ku ngira eja mu kifo ekyetebwa Ekyolezo.

Isaia 62:10

Imwe abantu bange ab'omu Yerusalemu mufulume, mufulume emiryango gy'ekibuga. Muje mutegeke abantu ghe banaabita mutemegho oluguudo. Mutemegho oluguudo mangu, mulumalemu ebibaalebaale. Mughanikire abantu ebendera ng'akamanhiso,

Isaia 7:3

Musengwa Katonda yaakoba Isaia ati: “Ja ni mutabane wo Sheari Yashubu, ye kyabazinga Ahazi agho gha mweta oguleeta amaadhi okuva mu nsulo y'eitale eri ku ngira enene eja mu kifo ekyetebwa Ekyolezo.

Yeremia 31:21

Muteegho obumanhiso ghe mubita, mumanhe engira ye mwagema nga muja. Mwire imwe Abaisiraeli, mwire ewaimwe mu bibuga bye mwavaamu.

Okubala 20:19

Abaisiraeli baabakoba bati: “Twidha kutambulira bwa mu luguudo mwonka, era singa tunhwa ku maadhi gaimwe oba okugagha ku byayo byaife, twidha kugasasulira. Tuli kubasaba ekintu kirala kyonka: mutuleke tubitemu bubite nga tutambulira ku bigere.”

Mariko 10:46

Agho baatuuka e Yeriko era yaava mu Yeriko ng'ali n'Abeegeresebwa be n'eikuukuubira ery'abantu. Barutimao omutulu, omwana wa Timao, eyali ng'asabiriza yali atyaime agho ku mbali ku ngira.

Abalamuzi 21:19

Agho baakoba bati: “Ghaligho ekibinuko kya Musengwa Katonda ekya buli mwaka e Shilo.” Shilo ekyo kiri ku luuyi olw'omukono omugooda olw'e buvandhuba wa Betheli, ku luuyi olw'e buvandhuba w'engira eva e Betheli okuja e Shekemu, era ku luuyi olw'omukono omusaadha olw'e buvandhuba wa Lebanoni.

1 Samueli 6:12

Agho dhaatambula butereevu nga dhigemye luguudo lulala lwonka oluja e Bethi Shemeshi. Dhaaja nga dhimoola, aye dhaaloba kukyukiraku ku luuyi lwa mukono musaadha oba lwa mugooda. Abafuzi ab'Abafilisiti baaja nga badhinonereza okutuukira irala ku nsalosalo ey'e Bethi Shemeshi.