2 Samueli 20:12 - Baibuli Ekibono kya Katonda 2014

¹² Amasa yali yeegolomoire mu musaayi gwe agho mu luguudo. Kiisi eyaidhanga n'amubona ng'ayemerera. Omusaadha wa Yoabu bwe yabona ng'abantu boonaboona bali kwemereranga, yaatoola Amasa mu luguudo yaamutwala mu nsiko yaamusuulaku ekivaalo okumughembaku.

2 Samueli 20:12 ပူးပေါင်းရင်းမြစ်များ

2 Samueli 17:25

Abusalomu yali nga yalonda Amasa okukulira amagye ng'aira mu kifo kya Yoabu. Amasa oyo yali mutabane w'omusaadha eyayetebwanga Ithura Omuishimaeli, eyali afumbiirwa Abigaili mughala wa Nahashi, era muganda wa Zeruia eyazaala Yoabu.

2 Samueli 2:23

Aye Asaheli yaayongera bwongere okumubingirira. Kale Abuneri yaamufumita mu mabunda ng'akozesa omusabi ogw'eifumo lye, eifumo lyamubitamu lyamufulumira mu mugongo, yaagwa era yaafiira gheene agho. Abantu boonaboona abaatuukanga Asaheli ghe yagwa n'afiira, nga beemerera beesimba agho ng'oti bafu.

2 Samueli 20:11

Ghaabaagho omuntu mulala ku basaadha ba Yoabu, yaayemerera kumpi ni Amasa yaakoba ati: “Kiisi ayenda Yoabu era ng'ali ku luuyi lwa Daudi, anonereze Yoabu.”

2 Samueli 20:13

Omulambo gwa Amasa bwe baamala okugutoola mu luguudo, abantu boonaboona baanonereza Yoabu okubingirira Sheba mutabane wa Bikiri.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.