2 Samueli 20:10 - Baibuli Ekibono kya Katonda 2014

¹⁰ Aye Amasa tiyabona mpiima Yoabu ye yali agemye. Kale Yoabu yaamufumita empiima omukuzi mulala guti aghazira kumwiramu gundi, n'ebyenda byamufukika ku itaka, yaafa. Ebyo bwe byawa, Yoabu ni muganda we Abishai beeyongerayo nga babingirira Sheba mutabane wa Bikiri.

2 Samueli 20:10 ပူးပေါင်းရင်းမြစ်များ

Amainhama 4:8

Kaini yaakoba muganda we Abeli ati: “Tuje tubbaalebbaaleku.” Era bwebaali nga bali eyo, Kaini yeefuulira muganda we yaamwita.

2 Samueli 2:23

Aye Asaheli yaayongera bwongere okumubingirira. Kale Abuneri yaamufumita mu mabunda ng'akozesa omusabi ogw'eifumo lye, eifumo lyamubitamu lyamufulumira mu mugongo, yaagwa era yaafiira gheene agho. Abantu boonaboona abaatuukanga Asaheli ghe yagwa n'afiira, nga beemerera beesimba agho ng'oti bafu.

2 Samueli 20:9

Yoabu yaabuuza Amasa ati: “Kiri mulaala, muganda wange?” Era yaakozesa omukono gwe omusaadha yaamugema ekirevu, okumunhwegera.

2 Samueli 3:27

Era Abuneri bwe yaira e Heburoni, Yoabu yaamwiza gha mbali gh'omulyango, yaaba ng'oti ali kwenda kwogera naye kyama. Bwe baali nga bali eyo, Yoabu yaamufumita mu mabunda yaafa. Okwo kwali kwesasuuza, kuba Abuneri yaita Asaheli muganda wa Yoabu oyo.

1 Ebyomubyanda 12:2

Baali ba mu kika kya Benjamini nga Saulo bweyali, era nga baghanga okukozesa omukono gwonagwona, ka gube omusaadha oba omugooda, okulasa obusaale n'okuwoloba amabaale mu nsuumulo.

Yeremia 41:2

Ishimaeli ni bale eikumi be yaidha nabo, baasituka, baasowolayo empiima dhaibwe baita Gedalia, kyabazinga w'e Babilonia ye yali aghaire okufuga ensi eyo.

Okubala 35:20

Ole bw'akyagha omuntu n'amufumita ekintu, oba n'amweteega n'amukonhoogerera ekintu n'amwita,

Abalamuzi 3:15

Aye Abaisiraeli bwe baalirira Musengwa Katonda, Musengwa Katonda oyo yaabateeragho omuntu eyabanunula, nga ni Ehudi mutabane wa Gera, ow'omu kika kya Benjamini. Ehudi oyo yali wa igooda. Agho Abaisiraeli baatuma Ehudi oyo okutwala ebirabo ye kyabazinga Eguloni ow'e Moabu.

Abalamuzi 3:21

Ehudi yaakozesa omukono gwe omugooda, yaasowolayo empiima ku kiteege kye eky'oku luuyi olw'omukono omusaadha, yaagifumita kyabazinga mu mabunda.

1 Samueli 26:8

Abishai yaakoba Daudi ati: “Katonda akughaire omuzigu wo mu ngalo olwaleero. Kale ni leka mmubiseemu eifumo irala liti, lingire ni mu itaka. Tiidha kumufumita lyakubiri.”