2 Samueli 20:1 - Baibuli Ekibono kya Katonda 2014

¹ Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 20:1 ပူးပေါင်းရင်းမြစ်များ

Amainhama 46:21

Batabane ba Benjamini baali: Bela, ni Bekeri, ni Ashibeli, ni Gera, ni Naamani, ni Ehi, ni Roshi, ni Muppimu, ni Huppimu, ni Aridi.

2 Samueli 15:10

Aye yaagheereza abakwenda mu ngiso mu bika bya Isiraeli byonabyona, ng'akoba ati: “Kasita muwulira nga bali kufuuwa amagwala, nga mukoba muti, ‘Abusalomu ni kyabazinga mu Heburoni.’ ”

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

2 Samueli 16:7

Shimei oyo yaavuma Daudi ati: “Ja, ja! Omusaadha omutemo iwe era aziraku ky'agasa!

2 Samueli 18:17

Baatoola Abusalomu baamusuula mu gwina oguleeyi ogwali mu kibira omwo, baamubungaku emungo ey'amabaale enkologho. Abaisiraeli baalumuka buli muntu yaaja ewuwe.

2 Samueli 20:2

Kale Abaisiraeli boonaboona bava ku Daudi, baaja ni Sheba mutabane wa Bikiri. Aye ab'omu kika kya Yuda baagumira ku kyabazinga waibwe, baaja naye okuva e Yorudani okutuuka e Yerusalemu.

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

2 Samueli 23:6

Aye abantu abatatya Katonda boonaboona bali ng'oti mawa ge basuula obw'ere, kuba toghanga kugagema na ngalo.

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

2 Ebyomubyanda 10:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

2 Ebyomubyanda 10:6

Kyabazinga Rehoboamu yeebuuza ku bantu abakulu, abaaghanga lata we Solomoni amagezi ng'akaali mulamu. Yaababuuza ati: “Magezi ki ge mumpa? Abantu bano mbairemu ntya?”

Zabbuli 17:13

Wo Musengwa Katonda, idha olwane n'abazigu bange obaghangule! Kozesa empiima yo omponie, nve mu ngalo dh'abakozi b'ebibi.

Zabbuli 34:19

Ebizibu ebigwa ku batuufu biri kamaala, aye Musengwa Katonda abawonia yaatoolagho ebizibu byaibwe byonabyona.

Ensambo 25:8

Oteeyunirizanga kuseegha muntu mu mbuga olw'ekyo ky'oboine, kuba omuntu owundi asobola okuleeta obudhulizi obukontana n'obubwo yaakuswaza.

Ensambo 26:21

Ng'amanda bwe gakuuma omuliro mu ziiko, n'enku ni dhikuuma omuliro nga gukaayaka, n'omuntu asoolasoola atyo bw'akuuma ebizibu nga bikaaligho.

Mariko 3:24

Era obwakyabazinga obweyawulamu tibusobola kubaagho.

Luka 19:14

Aye abantu ab'omu nsi ye, baali nga baamukyagha, era baagheereza abakwenda abaamuva einhuma okukoba bale ye yali ali kuja bati tibenda oyo abafuge.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 13:8

Petero yairamu ati: “Tikiribaagho iwe okunaaza nze ebigere!” Aye Yesu yaamukoba ati: “Bwe ntakunaaza ng'olwo tokaali mwegeresebwa wange.”

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Abalamuzi 19:22

Bwe baali nga bakaasanhuka, abasaadha ab'omu kibuga abadankaanu baazingiza endhu eyo okugyezunguluza. Baakonta ku lwigi, baakoba omusaadha omukaire mwene ndhu bati: “Fulumya omusaadha oyo aingiire mu ndhu yo, tube naye mu nsambo abasaadha ye babaamu n'abakazi mu buliri!”

Abalamuzi 3:27

Bwe yatuuka eyo mu kiketezo eky'ensozi ekya Efuraimu, yaafuuwa endeka okweta Abaisiraeli. Yaabakulembera, baaserengeta naye okuvaayo.

Ruthi 2:3

Agho Ruthi yaaja mu misiri yaavanga einhuma ew'abakungula ng'alondalonda sayiri eyajanga ng'akunkumuka ku bakungula. Yaja okweyagaana ng'omusiri gwe yajaamu gwali gwa Boazi eyali n'oluganda ku Elimeleki.

1 Samueli 13:2

Saulo yalonda mu Baisiraeli abasaadha enkumi isatu (3,000). Ku abo yaatoolaku enkumi ibiri (2,000) baabanga ghalala naye e Mikamashi ni mu kiketezo eky'oku nsozi eky'e Betheli. Ate olukumi (1,000) baabanga ghalala ni Yonathani e Gibea mu kiketezo kya Benjamini. Abantu abandi boonaboona yaabasiibula, bairayo ewaibwe.

1 Samueli 2:12

Batabane ba Eli baali abantu abazira kye bagasa, nga tibaisaayo mwoyo ku Musengwa Katonda.

1 Samueli 30:22

Agho abasaadha ababi era abazira kye bagasa, abaali mu abo abaaja ni Daudi, baakoba bati: “Abo abataajiire n'ife ghazira kye twidha kubagha ku munhago gwe tuleese, okutoolaku okubaganha batwale bakazi baibwe n'abaana baibwe, memale bagolole.”