2 Samueli 2:6 - Baibuli Ekibono kya Katonda 2014

⁶ Nsaba Musengwa Katonda abagonzenga obutalekera era abenga mwesigwa ye muli. Zeena ndidha kubakoleranga ebirungi olw'ekyo kye mwakola.

2 Samueli 2:6 ပူးပေါင်းရင်းမြစ်များ

2 Samueli 10:2

Daudi yaakoba mule ati: “Ndidha kulaga Hanuni mutabane wa Nahashi omukwano ogw'amazima, nga ise gwe yandaganga.” Kale Daudi yaatuma ku bagheereza be baje ye Hanuni, bamumusaasirire olw'okufiirwa ise. Agho abagheereza ba Daudi baatuuka bukalamu mu nsi ey'Abammoni.

2 Samueli 15:20

Waakaidha bwidhe muno, kale lwaki mperaano nkutambuzatambuza eyo ntyo nga tiidhi ni ye nja? Busa, irayo otwale ni Bagitti baino. Nsaba Musengwa Katonda abagonzenga obutalekera era abenga mwesigwa ye muli.”

2 Samueli 2:7

Mpegaano ni, mugume mulobe kubaamu ntete naire, kuba waire nga musengwa waimwe Saulo yafa, aye ab'endhu ya Yuda bansiiga omuzigo, banfuula kyabazinga waibwe.”

2 Samueli 9:3

Kyabazinga oyo yaamubuuza ati: “Ezirayooku akaasigairegho ku b'omu ndhu ya Saulo, mmwoleke ekivunika kya Katonda?” Ziba yaamwiramu ati: “Ghakaaligho omwana wa Yonathani, eyalemala amagulu.”

2 Samueli 9:7

Daudi yaamukoba ati: “Otatya. Ndidha ku kwoleka ekivunika ku lwa lata wo Yonathani, nkwirize eitaka lyonalyona eryali erya dhaadha wo Saulo. Era oidha kuliiranga ghalala ninze ku kiiwulo.”

Zabbuli 57:3

Aidha kutuma amaani okuva mu igulu okwidha okumponia. Abo abankiriga aidha kubaswaza. Katonda aidha kundholeka nga bw'angonza obutalekera era nga bw'ali omwesigwa.

Okuvaayo 34:6

Musengwa Katonda yaabita mu maiso ga Musa era yaalangirira ati: “Nze Musengwa Katonda, ninze Katonda asaasira era agemerwa abantu ekivunika, alwagho okusungughala, agonza abantu obutalekera era omwesigwa einho.

Ensambo 14:22

Abo abategeka okukola ebibi baba badaaliimye mu ndowooza yaibwe, aye abategeka okukola obukalamu beesigibwa era baateebwamu ekinhagansi.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 5:44

Aye nze mbakoba nti: Mugonzanga abazigu baimwe, era musabiranga abo ababakiriga.

Matayo 5:7

Ba nkabi ab'ekisa, kuba balisaasirwa.

Yoshua 2:14

Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Ruthi 1:8

Naomi yaakoba banamwandu abo ati: “Mwireyo buli muntu ye maama we. Nsaba Musengwa Katonda abe mulungi ye muli, nga imwe bwe mubaire abalungi eri nze n'eri abo abaafa.