2 Samueli 2:5 - Baibuli Ekibono kya Katonda 2014

⁵ Daudi yaagheereza abakwenda y'abantu abo, okubakoba bati: “Musengwa Katonda abaghe enkabi, kuba mwayoleka obwesigwa bwaimwe eri musengwa waimwe Saulo, mwamuziika.

2 Samueli 2:5 ပူးပေါင်းရင်းမြစ်များ

Amainhama 14:19

Yaamusabira enkabi ati: “Katonda oyo Ali Ghaigulu Yeene aghenga Aburamu enkabi, oyo Katonda eyakola eigulu n'ensi!

Amainhama 14:22

Aye Aburamu yairamu kyabazinga oyo ati: “Ndayira mu maiso ga Musengwa Katonda, oyo Katonda Ali Ghaigulu Yeene, eyakola eigulu n'ensi,

2 Samueli 15:20

Waakaidha bwidhe muno, kale lwaki mperaano nkutambuzatambuza eyo ntyo nga tiidhi ni ye nja? Busa, irayo otwale ni Bagitti baino. Nsaba Musengwa Katonda abagonzenga obutalekera era abenga mwesigwa ye muli.”

2 Samueli 21:12

Daudi yaaja yaatoola amagumba ga Saulo n'aga Yonathani mutabane wa Saulo oyo, ku bantu ab'e Yabeshi eky'omu Gileadi. Abantu ab'e Yabeshi abo baali nga baibye amagumba ago mu luya olw'ekibuga Bethi Shani, Abafilisiti ye baabaghanika ni babalengeedhia ku lunaku lwe baabaitiraku ku lusozi Giliboa.

Zabbuli 115:15

Musengwa Katonda oyo eyakola eigulu n'ensi abaghenga enkabi.

Yoshua 2:14

Abakeesi baamukoba bati: “Musengwa Katonda atwalanga obulamu bwaife bwemufanga. Bw'otalikoberaku bandi ku bye tuli kukola, twidha kuba beesigwa y'oli era tukubise bukalamu, nga Musengwa Katonda atughaire ensi eno.”

Abalamuzi 21:8

Agho baabuuza bati: “Ni baani mu b'omu bika bya Isiraeli abataaja mu maiso ga Musengwa Katonda e Mizipa?” Baaja okukizuula ng'e Yabeshi eky'omu Gileadi tiyavaayo muntu waire omulala, eyaidha okubaagho ng'abantu beesoloiza;

Ruthi 1:8

Naomi yaakoba banamwandu abo ati: “Mwireyo buli muntu ye maama we. Nsaba Musengwa Katonda abe mulungi ye muli, nga imwe bwe mubaire abalungi eri nze n'eri abo abaafa.

Ruthi 2:20

Naomi yaakoba ati: “Nsaba Musengwa Katonda aghe Boazi enkabi, kuba olw'okusaasira kwe talekuliire agho balamu oba okwerabira abaafa.” Era yaaja mu maiso yaakoba ati: “Omusaadha oyo waluganda n'ife. Oyo asobola n'okuba omusika wa balo yaatulabirira.”

Ruthi 3:10

Boazi yaamwiramu ati: “Muna, Musengwa Katonda akughe enkabi, kuba obwesigwa bw'oli kwoleka buti businga obwo bwe wayoleka mu ebyo bye wakolera inhazaala wo. Kuba wandibaire buti ng'oli kwenoonezaayo mulenzi muto, k'abe mukombe oba mwavu, aye ekyo ti ky'okoze.

1 Samueli 11:1

Agho kyabazinga Omuammoni eyayetebwanga Nahashi, yaaja yaalumba ekibuga Yabeshi Gileadi, yaakizingiza okukyezunguluza. Abantu ab'e Yabeshi baakoba Nahashi oyo bati: “Kola n'ife endagaano, olwo twidha kukugheerezanga.”

1 Samueli 11:9

Agho baakoba abakwenda bale abaidha, bati: “Muje mukobe abantu b'e Yabeshi Gileadi muti, ‘Enkyo endhuba enaaja okutuuka mu kasana ghagati, nga mumaze okununulwa.’ ” Abakwenda bwe baaja ni bakobera abantu b'e Yebeshi batyo, abantu ab'e Yebeshi abo baasangaala!

1 Samueli 15:13

Samueli yaaja yatuuka ku Saulo. Saulo yaamulamusa ati: “Musengwa Katonda akughe enkabi. Ntuukiriiza ekiragiro kya Musengwa Katonda.”

1 Samueli 23:21

Saulo yaakoba ati: “Musengwa Katonda abaghe enkabi, olw'okungemerwa ekivunika.

1 Samueli 24:19

Bwenebwene muntu ki atuuka ku muzigu we, n'amuleka n'aja emiraala? Kale ni nsaba Musengwa Katonda akusasulemu ebirungi olw'ekyo ky'onkoleire olwaleero.