2 Samueli 2:26 - Baibuli Ekibono kya Katonda 2014

²⁶ Agho Abuneri yaayeta Yoabu ng'alagiriza, yaamukoba ati: “Tunaalwanagana kutuuka byanda na byanda? Toidhi nga ku nkomerero muvaamu bulumi bwereere? Olirekeza li abantu bo okutubingirira ife baganda baibwe?”

2 Samueli 2:26 ပူးပေါင်းရင်းမြစ်များ

2 Samueli 11:25

Daudi yaakoba omukwenda ati: “Ja okobe Yoabu oti, ‘Ebyo ebibairegho bitakumalamu maani, kuba ghazira aghanga kumanha oyo anaafiira mu lutalo. Kale ni weeyongere bwa kulumba ekibuga ekyo n'amaani, okigeme.’ Era weena omwizeemu amaani.”

2 Samueli 2:14

Abuneri yaakoba Yoabu ati: “Abaisuka okuva ku buli luuyi ka basituke batuzaanhiremuuku eby'okulwana.” Yoabu yairamu ati: “Kale basituke bazaanhe.”

2 Samueli 2:16

Buli muntu ku abo yaagema ow'okulwana naye omutwe, yaamufumita empiima mu mbavu, bombi baagwira kulala baafa. Kyova ekifo ekyo baakyeta “Ekibandha eky'Empiima”, era kiri e Gibeoni.

2 Samueli 2:25

Agho ab'ekika kya Benjamini beesololeza aghali Abuneri ku ngulu ku lusozi, beeyimba ghalala kitole, nga beetegeka okulwana.

2 Samueli 2:27

Agho Yoabu yaakoba ati: “Ndayira Katonda omulamu, nti ngoli toyogeire, abasaadha bange tibandirekeire kubabingirira n'okutuusa enkyo.”

Yobu 18:2

“Munaatuusa gha okunoonia eby'okwogera? Musooke mwefumintirize memale olwo twogere.

Yobu 19:2

“Mulituusa gha okuneeraliikiriza n'okuunumiriza n'ebibono.

Zabbuli 4:2

Bantu imwe, mulirekera li okusiiga eriina lyange enziro? Mulirekera li okugonza ebiziramu muganhulo, n'okujiira ku buguya?

Ensambo 17:14

Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Isaia 1:20

Aye bwe munaadheemanga obudheeme, mwidha kwitibwanga bwitibwe. Nze Musengwa Katonda, ninze ndhogeire.”

Yeremia 12:12

Abanhazi babisebise mu nsozi dhoonadhoona edh'omu irungu edhiziraku kantu. Nze Musengwa Katonda nsindiike olutalo okuzikiriza ensi eyo yoonayoona. Era ghazira muntu ali mu miraala.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 4:21

Ndituusa li okulingiriranga bendera dh'olutalo, n'okuwuliranga okuvuga okw'amagwala?

Yeremia 46:10

Luno n'olunaku lwa Musengwa Katonda afuga Amagye, olunaku olw'okwesasuuza nga yeesasuuliza ku bazigu be. Empiima ye eja kubalya eigute, era enhwe omusaayi gwaibwe okutuusa ku nkooye; kuba Musengwa Katonda oyo Afuga Amagye aja kubaghaayo ng'oti musengo, ere mu nsi eri ku luuyi olw'omukono omugooda olw'e buvandhuba kumpi n'omwiga Eufurate.

Yeremia 46:14

“Mulangirire mu nsi Misiri ni mu bibuga byamu, Migidoli, Menfisi, ni Tahapanhesi, muti, ‘Mwetegeke okwerwanaku. Byonabyona bye muli nabyo baja kubizikiriza mu lutalo.

Hosea 11:6

Abazigu balirumba ebibuga byaibwe, baamenhamenha endhigi dhaabyo. Era balibazikiriza olw'okukola ebyo beene bye baayendanga.

Ebikolwa by'Abatume 7:26

Olunaku olwairirira, yaabona Abaisiraeli babiri nga balwana, yaagezaaku okubagaya ng'akoba ati, ‘Muli baluganda, ekibalwania ni ki.’