2 Samueli 2:13 - Baibuli Ekibono kya Katonda 2014

¹³ Yoabu mutabane w'omukazi eyayetebwanga Zeruia, ghalala n'abagheereza ba Daudi, boona baaja baayagaanana nabo ku kidiba eky'e Gibeoni. Baatyama ku luuyi olundi olw'ekidiba, ni bale baatyama ku luuyi olundi.

2 Samueli 2:13 ပူးပေါင်းရင်းမြစ်များ

2 Samueli 2:18

Batabane ba Zeruia abasatu boona baali mu lutalo olwo: Yoabu, Abishai, ni Asaheli eyalumukanga einho ng'oti mpuuli.

2 Samueli 20:23

Yoabu n'eyali omuduumizi ow'eigye lyonalyona erya Isiraeli, ate Benaia mutabane wa Yehoiada yaaduumira abaakuumanga kyabazinga Abakerethi n'Abapelethi.

2 Samueli 20:8

Bwe baatuuka ku ibaale eikologho mu Gibeoni, Amasa yaidha ye bali. Yoabu yali avaire ebivaalo eby'omu lutalo, nga yeesibye mu nkende olusibiro oluliku empiima ng'eri mu kiruutu kyayo. Aye bweyali ali kuseeta emberi eri Amasa, empiima eyo yaasowokayo.

2 Samueli 23:24

Abandi ku abo amakumi asatu ni bano: Asaheli muganda wa Yoabu, Elihanani mutabane wa Dodo ow'e Bethelehemu, Shamma ow'e Harodi,

2 Samueli 8:16

Yoabu mutabane w'omukazi eyayetebwanga Zeruia, nga n'aduumira amagye. Yehoshafati mutabane wa Ahiludi yaakuuma ebighandiiko.

1 Bakyabazinga 1:7

Adoniya oyo yaayogera ni Yoabu mutabane w'omukazi ayetebwa Zeruia, era yaayogera ni Abiathari kabona, era abo bombi baamughagira era baamubeera.

1 Bakyabazinga 2:5

“Ate era oidhi Yoabu mutabane wa Zeruia kye yankola, bwe yatemula abaduumizi b'eigye lya Isiraeli ababiri Abuneri mutabane wa Neri, ni Amasa mutabane wa Yetheri. Yabatemulira mu biseera eby'emiraala, ng'abeesasuulizaaku olw'abantu abaitibwa mu ntalo. Mu nsambo eyo yandeetera okuvunaanibwa ogw'okwita abantu abaziraku musango.

1 Ebyomubyanda 11:6

Daudi yaakoba abasaadha be ati: “Omuntu yeenayeena anaasooka okwitayo Omuyebusi, n'aidha okuba omukulu era omuduumizi w'eigye.” Agho Yoabu, nga inhina ni Zeruia, yaakulembera okulumba okwasooka, era yaafuuka omukulu w'eigye.

1 Ebyomubyanda 2:16

Era yaazaala n'abaana abaghala babiri: Zeruia ni Abigaili. Zeruia yaazaala abaana abalenzi basatu: Abishai, Yoabu, ni Asaheli.

1 Ebyomubyanda 27:7

Asaheli muganda wa Yoabu n'eyakuliranga ekikunsu eky'omu lugobo olw'omu mwezi ogwokuna, lwona nga lwalimu abantu emitwalo ebiri n'enkumi ina (24,000). Mutabane we Zebadia n'eyamusikira.

Yeremia 41:12

Kale baaja n'abalwani baibwe boonaboona, baamubingirira era baamwagaana kumpi n'ekidiba ekinene ekiri e Gibeoni.

1 Samueli 26:6

Daudi yaakoba Ahimeleki Omuhitti, ni Abishai muganda wa Yoabu era Mutabane Zeruia, ati: “Naani anaaja ninze ye Saulo, mu kifo ghe baasimba weema?” Abishai yaakoba ati: “Nze ndidha kuja n'iwe.”