2 Samueli 19:9 - Baibuli Ekibono kya Katonda 2014

⁹ Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

2 Samueli 19:9 ပူးပေါင်းရင်းမြစ်များ

2 Samueli 15:14

Agho Daudi yaakoba abagheereza be boonaboona be yali nabo e Yerusalemu ati: “Musitukiremu mukole tulumuke, tiikulwa nga tubulwa engeri ey'okuwonamu Abusalomu. Mwangughe tuveegho, atatwagaana n'atukolaku kabi, n'aita na bantu ba mu kibuga boonaboona.”

2 Samueli 18:17

Baatoola Abusalomu baamusuula mu gwina oguleeyi ogwali mu kibira omwo, baamubungaku emungo ey'amabaale enkologho. Abaisiraeli baalumuka buli muntu yaaja ewuwe.

2 Samueli 19:10

Ate Abusalomu ye twasiiga omuzigo abe kyabazinga waife, wuuyo yafiira mu lutalo. Kale lwaki ghazira ayogeraku ku kya kwiza kyabazinga Daudi?”

2 Samueli 19:40

Agho kyabazinga Daudi yaaja e Giligali ghalala ni Kimuhamu. Ab'omu kika kya Yuda boonaboona n'ekitundu ku Baisiraeli baamugherekera.

2 Samueli 22:44

Wamponia abantu abadheemu, wanfuula omufuzi ow'amaghanga kamaala abantu be nali tiidhi waabafuula bagheereza bange.

2 Samueli 5:20

Agho Daudi yaidha e Baali Perazimu, yaaghangulirayo Abafilisiti. Yaakoba ati: “Musengwa Katonda aneesooseeyo emberi yaaghaguza mu bazigu ng'oti n'omwidhuzo ogw'amaadhi bwe gughaguza ghe gubita.” Kale kyova ekifo ekyo bakyeta Baali Perazimu.

Zabbuli 18:43

Wamponia abantu abadheemu, wanfuula omufuzi ow'amaghanga kamaala, abantu be nali tiidhi waabafuula bagheereza bange.

Okuvaayo 32:24

Zeena naabakoba nti, ‘Kale kiisi avaire zaabu amutooleku amuleete.’ Kale bampa zaabu waibwe, naamusuula mu muliro, era ekyavaamu n'ekifaananie ekyo eky'ente ento enume.”

1 Samueli 17:50

Kale Daudi yaaghangula Omufilisiti ng'akozesa nsuumulo na ibaale. Yaakuba Omufilisiti oyo yaamwita nga takozeisa mpiima naire.

1 Samueli 18:25

Agho Saulo yaabakoba ati: “Muje mukobe Daudi muti, ‘Kyabazinga taidha kusala mwandu ku mugole, okutoolaku obuwutu kikumi obukeketeibwa ku Bafilisiti. Olwo kyabazinga abe nga yeesasuuliiza ku bazigu be abo.’ ” Saulo yalowooza ati Abafilisiti baidha kwita Daudi.

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”