2 Samueli 19:5 - Baibuli Ekibono kya Katonda 2014

⁵ Agho Yoabu yaidha, yangira mu kisaagaati kya kyabazinga yaamukoba ati: “Olwaleero oleeteire abagheereza bo boonaboona okuswala. Ate nga bawoniiza obulamu bwo, n'obwa batabane bo, n'obwa baghala bo, n'obwa bakazi bo ab'omu ndhu n'ab'embali.

2 Samueli 19:5 ပူးပေါင်းရင်းမြစ်များ

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 18:17

Baatoola Abusalomu baamusuula mu gwina oguleeyi ogwali mu kibira omwo, baamubungaku emungo ey'amabaale enkologho. Abaisiraeli baalumuka buli muntu yaaja ewuwe.

2 Samueli 19:13

Kyabazinga Daudi era yaakoba Zadoki ni Abiathari ati: “Era mukobe Amasa muti, ‘Iwe ow'omusaayi ogwange gwene, okuva ni mpegaano bw'otaafuuke muduumizi wa igye lyange mu kifo kya Yoabu, Katonda agwananga yambonereza inho.’ ”

2 Samueli 19:4

Kyabazinga yeeghemba mu maiso, yaawowoola ati: “Woowe, omwana wange Abusalomu! Woowe, Abusalomu omwana wange! Omwana wange!”

2 Samueli 19:6

Oyoleike nga bw'ogonza abakukyagha ate n'okyagha abakugonza. Era okikakaisa olwaleero oti abaduumizi bo n'abagheereza bo, ti kintu y'oli. Olwaleero nkitegeire nti nguli Abusalomu n'abaire omulamu, ife abandi twenatwena nga tufiire, wandisangaire inho.

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

Nehemia 9:27

Kye wava n'obaghaayo mu ngalo edh'abazigu baibwe, abaabadaazadaaza. Nga bali mu kudaagadaaga batyo, baakulirira, waabawulira ng'oli mu igulu. Era olw'okusaasira kwo okungi einho, waabagheerezanga abanunuzi abaabanunulanga okuva mu ngalo dh'abazigu baibwe.

Zabbuli 3:8

Okuwonezebwa kuva eri iwe, Musengwa Katonda. Enkabi dho dhibe ku bantu bo.