2 Samueli 19:43 - Baibuli Ekibono kya Katonda 2014

⁴³ Abaisiraeli bairamu bati: “Ife tuli n'obukumu bwa mikuzi kikumi ku bwakyabazinga, okusinga imwe bwe muli nabwo. Era ni Daudi oyo waife inho okusinga bw'ali owaimwe. Kale lwaki mutunhoomerera? Ti niife abaasooka okuleeta ekidhuubo eky'okwiza kyabazinga waife?” Aye ab'omu kika kya Yuda bye baayogera byaba bikambwe okusinga eby'Abaisiraeli.

2 Samueli 19:43 ပူးပေါင်းရင်းမြစ်များ

2 Samueli 19:14

Mu nsambo eyo Daudi yaikirizisa ab'ekika kya Yuda boonaboona, baafuuka muntu mulala. Kale baamugheereza obukwenda obukoba buti: “Ira, ghalala n'abagheereza bo boonaboona.”

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 20:6

Daudi n'okukoba Abishai ati: “Sheba oyo mutabane wa Bikiri aidha kutukola ekibi ekiwulaku n'ekya Abusalomu kye yatukola. Kale twala ku bagheereza bange omubingirire, ng'akaali na kwefunira bibuga ebiriku ebimante ebigumu, kutufuukira kizibu.”

2 Samueli 5:1

Agho abantu ab'ebika bya Isiraeli byonabyona baidha ye Daudi e Heburoni, baamukoba bati: “Bona eno, ife tuli baluganda era ba musaayi mulala n'iwe.

1 Bakyabazinga 12:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

Ensambo 13:10

Okwekuluntaza kuleeta okutabukatabuka, aye okwebuuza ku magezi kuleetera omuntu okuba omugezi.

Ensambo 15:1

Omuntu airamu nga yeewooya amalagho obusungu, aye ole ayogera n'eikabyo abusiikuula busiikuule.

Ensambo 17:14

Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Ensambo 18:19

Bw'oyamba owoluganda, akukuuma ng'oti n'ekimante ekigumu ekyezungulwire ekibuga, aye bw'osoola naye takuganha kuja y'ali, ku ndhigi ataaku bwa minhololo.

Ab'e Roma 12:21

Ekibi kitakughangulanga, aye iwe kighangulenga ng'okola ebikalamu.

Ab'e Galatia 5:15

Aye bwe munaira agho okumoodhagana n'okudaazadaaza banaimwe mugwaine mwekuume, kuba musobola okwezikiriza beene na beene.

Ab'e Galatia 5:20

okusinza ebitali Katonda, okuloga, enzigu, okukanamuka, ensaalwa, okudhuunadhuuna, okwebitiriza, okuba n'obutaisania, okweyawulamu,

Ab'e Galatia 5:26

Tulobe kwegungumaza, waire owundi okwesonsa ku mwine, oba okumugemerwa ensaalwa.

Ab'e Filippi 2:3

Timukolanga kintu kyonakyona nga mwefaaku mwenka oba olw'okwenda bababone babasaake. Aye mu kwefeebya buli muntu atwale abandi nga n'abamusinga.

Yakobo 1:20

kuba obusungu obw'omuntu tibuleetagho butuufu bwa Katonda.

Abalamuzi 8:1

Agho abasaadha b'Efuraimu baakoba Gideoni bati: “Lwaki watubisa otyo, n'otatwetaku ng'oja okulwanisa Abamidia?” Baamunenia inho n'amaani.

Abalamuzi 9:23

Agho Katonda yaakyaghagania Abimeleki n'abantu b'omu Shekemu. Abantu ab'omu Shekemu baaghemukira Abimeleki nga tibakaali beesigwa y'ali.