2 Samueli 19:39 - Baibuli Ekibono kya Katonda 2014

³⁹ Agho abantu boonaboona baasomoka Yorudani, ni kyabazinga Daudi yeena yaasomoka. Kyabazinga yaanhwegera Barazillai, yaamusabira enkabi. Barazillai yairayo eka ewuwe.

2 Samueli 19:39 ပူးပေါင်းရင်းမြစ်များ

Amainhama 14:19

Yaamusabira enkabi ati: “Katonda oyo Ali Ghaigulu Yeene aghenga Aburamu enkabi, oyo Katonda eyakola eigulu n'ensi!

Amainhama 28:3

Katonda Aghanga Ebintu Byonabyona akughe enkabi, ozaale abaana kamaala, osimukemu amaghanga kamaala.

Amainhama 31:55

Bwe bwakya ku nkyo, Labani yaazuuka, yaagwa baidhukulu be ni baghala be mu kifuba, yabasabira enkabi. Yaasitula okwirayo ewuwe.

Amainhama 45:15

Yosefu yaagwa baganda be boonaboona mu bifuba, ng'ali kulira amaziga. Ebyo bwe byawa, baganda be baatoolera okughaya naye.

Amainhama 47:10

Yakobo kabiri yaayendeza kyabazinga enkabi, yaavaagho.

Amainhama 47:7

Agho Yosefu yaaleeta Yakobo ise, yaamwandhula eri kyabazinga. Yakobo yayendeza kyabazinga enkabi.

2 Samueli 13:25

Aye kyabazinga yaakoba Abusalomu ati: “Mwana wange titwidha kwidha twenatwena, kuba tughanga okukuzitoogherera einho. Abusalomu yaakanda kumwegayirira, nga kyabazinga Daudi alobye. Aye kyabazinga Daudi yaamusabira enkabi.”

2 Samueli 14:33

Olwo Yoabu n'okuja ye kyabazinga n'amukobera. Era kyabazinga yaayetesa Abusalomu aje y'ali. Abusalomu yaaja ye kyabazinga, yaakuba amakiryaivu era yaakutama n'ekyeni kyatuuka ku itaka. Kyabazinga yaamunhwegera.

2 Samueli 19:38

Kyabazinga Daudi yairamu ati: “Ndidha kuja ni Kimuhamu era ndidha kumukolera kyonakyona ky'onaaba ng'oyenze mmukolere. N'iwe weena kyonakyona ky'onaayenda nkukolere, ndidha kukikukolera.”

2 Samueli 6:18

Bwe yamala okughaayo ebigheebwayo ebyo, yaasabira abantu enkabi mu liina lya Musengwa Katonda Afuga Amagye.

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

1 Bakyabazinga 19:20

Elisha yaaleka agho ente, yaalumuka embiro okunonereza Eliya, yaamukoba ati: “Ka mmale okunhwegera lata ni maama, memale ndidhe nje n'iwe.” Eliya yaamukoba ati: “Irayo, nze nkulobeire?”

Okubala 24:25

Agho Balaamu yaasitula yairayo ewaibwe, Balaki yeena yaaja mu dhidhe.

Luka 2:34

Simeoni yaabasabira enkabi, ate yaakoba Maria inhina ati: “Ono omwana ateereibwagho olw'okuzikirira n'okuzuukira okw'abangi mu Isiraeli, era abe akamanhiso ak'okutakania.

Ebikolwa by'Abatume 20:37

Boonaboona baalira, baamwevumba, baamunhwegera.

1 Ab'e Thessalonika 5:26

Mulamusaganienga n'okunhwegeragana ng'aboluganda.

Ruthi 1:14

Agho kabiri baayongera okulira amaziga. Orupa yaanhwegera inhazaala we, yaamusiibula, aye Ruthi yaasigala ng'akeegemye ku inhazaala we.

1 Samueli 24:22

Daudi yaikiriza yaalayirira Saulo atyo. Agho Saulo yairayo ewuwe, aye Daudi n'abasaadha be bairayo mu kifo kyaibwe eky'okwewogomamu.