2 Samueli 19:28 - Baibuli Ekibono kya Katonda 2014

²⁸ Ab'endhu ya lata wange twenatwena twali tugwaniire bwa kwitibwa iwe Isebantu kyabazinga, aye nze omugheereza wo wanta mu abo abalya ku kiiwulo kyo. Kabiri obukumu mbutoola gha okusaba Isebantu kyabazinga okunkolera ekisinga agho?”

2 Samueli 19:28 ပူးပေါင်းရင်းမြစ်များ

Amainhama 32:10

Nze tigwaniire kivunika kyo na bwesigwa bwo, bye wandholeka nze omugheereza wo. Nasomoka omwiga guno Yorudani, nga ndi na mwigo gwonka. Aye mpegaano ndhize, nga ndi n'ebikunsu bibiri.

2 Samueli 14:17

Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

2 Samueli 14:20

Omugheereza wo Yoabu yakoze atyo olw'okwenda okukyusaamu mu ebyo ebirigho mpegaano. Aye iwe Isebantu kyabazinga oli n'amagezi ng'oti ga malaika wa Katonda, okumanha ebintu byonabyona ebiri ku nsi.”

2 Samueli 15:26

Aye bw'alinkoba ati, ‘By'okola tibisiima,’ kale nze ndigho, alinkola mwene ky'alibona nga n'ekingwaniire.”

2 Samueli 16:3

Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 19:29

Agho kyabazinga yaamwiramu ati: “Ye lwaki odaaga okwongera ebingi bityo? Nze mmaze okusalagho nti iwe ni Ziba mwidha kugabana eitaka.”

2 Samueli 9:10

Ate iwe, ni batane bo, n'abagheereza bo, mwidha kulimiranga ab'endhu ya musengwa wo oyo eitaka eryo, mubaleeterenga bye mukungwire. Olwo baghange okubanga n'emere ey'okulya. Aye Mefiboshethi mwene aidha kuliiranga ghalala ninze ku kiiwulo.” Ziba oyo yali ni batabane be ikumi na bataanu, n'abagheereza amakumi abiri.

2 Samueli 9:13

Kale Mefiboshethi, eyali omulema ow'amagulu gombi, yaabanga mu Yerusalemu, era ng'aliira ghalala ni kyabazinga ku kiiwulo.

2 Bakyabazinga 8:3

Emyaka egyo omusanvu bwe gyawaaku, omukazi oyo yaava mu nsi ey'Abafilisiti, yairayo mu Isiraeli. Era yaaja eri kyabazinga okumusaba amwirize endhu ye n'ekibandha kye.

1 Samueli 26:16

Ekyo ky'okoze ti kirungi. Nga Musengwa Katonda bw'ali omulamu ogwaniire kufa, kuba tokuumye musengwa wo, Musengwa Katonda ye yasiiga omuzigo. Mpegaano eifumo lya kyabazinga n'ekidoome eky'amaadhi ebibaire gha mutwe gwe biri gha?”