2 Samueli 19:27 - Baibuli Ekibono kya Katonda 2014

²⁷ Era yaidha yandhogeraku nze omugheereza wo, yaakoba ebintu bitali bituufu eri iwe musengwa wange kyabazinga. Aye iwe Isebantu kyabazinga, oli ng'oti malaika wa Katonda. Kale kola kyonakyona ky'onaabona nga n'ekirungi,

2 Samueli 19:27 ပူးပေါင်းရင်းမြစ်များ

2 Samueli 14:17

Era nze omwiru wo omukazi, naakoba mule nti, ‘Ekibono musengwa wange kyabazinga ky'anankoba, kiidha kundeetera okuguma omwoyo’ kuba iwe musengwa wange kyabazinga oli nga malaika wa Katonda, okwawula ekirungi n'ekibi. Musengwa Katonda wo abenga n'iwe.”

2 Samueli 14:20

Omugheereza wo Yoabu yakoze atyo olw'okwenda okukyusaamu mu ebyo ebirigho mpegaano. Aye iwe Isebantu kyabazinga oli n'amagezi ng'oti ga malaika wa Katonda, okumanha ebintu byonabyona ebiri ku nsi.”

2 Samueli 16:3

Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 16:4

Kyabazinga yaakoba Ziba ati: “Byonabyona ebibaire ebya Mefiboshethi, mperaano bifuuse bibyo.” Ziba yaamukoba ati: “Isebantu kyabazinga, nkutaamu ekinhagansi! Era ngwananga naakola ebikusiimya buliidho.”

2 Samueli 19:17

Yaidha n'abantu lukumi (1,000) Ababenjamini. Ni Ziba omugheereza w'endhu ya Saulo yeena yaidha, ni batabane be ikumi na bataanu, n'abagheereza be amakumi abiri, baayangughaku okuja ku mwiga Yorudani okusangaaza kyabazinga Daudi.

2 Samueli 9:13

Kale Mefiboshethi, eyali omulema ow'amagulu gombi, yaabanga mu Yerusalemu, era ng'aliira ghalala ni kyabazinga ku kiiwulo.

2 Samueli 9:3

Kyabazinga oyo yaamubuuza ati: “Ezirayooku akaasigairegho ku b'omu ndhu ya Saulo, mmwoleke ekivunika kya Katonda?” Ziba yaamwiramu ati: “Ghakaaligho omwana wa Yonathani, eyalemala amagulu.”

Zabbuli 101:5

Nja kuzikirizanga omuntu yeenayeena ageya mwine, era tija kuguminkiriza muntu eyeekulumbaza era eyeesaakiriza.

Zabbuli 15:3

Tasiiga liina lya muntu yeenayeena nziro, takola mwine kibi, era taja ng'ageya baliraanwa be.

Okuvaayo 20:16

“Mutaghanga ku muntu budhulizi bwa bulimba.

Yeremia 9:4

Kale ni omuntu yeekuumenga mwine, era alobenga kwesiga muganda we; kuba muganda wo akwefuulaku, ate era buli muntu ayogera ku baine ebibi.

1 Samueli 29:9

Akishi yaamwiramu ati: “Ndidhi nti mu maiso gange oziraku musango gwonagwona ng'oti malaika wa Katonda. Aye abaduumizi b'Abafilisiti bakobye bati, ‘Taidha kuja n'ife mu lutalo’.