2 Samueli 19:24 - Baibuli Ekibono kya Katonda 2014

²⁴ Agho Mefiboshethi mwidhukulu wa Saulo yaidha okusangaaza kyabazinga. Mefiboshethi oyo yaloba okunaaba ebigere, waire okumwa ebirevu, oba okwoza engoye dhe, okuva ku lunaku kyabazinga lwe yava mu Yerusalemu okutuusa lwe yaira nga ghaligho emiraala.

2 Samueli 19:24 ပူးပေါင်းရင်းမြစ်များ

2 Samueli 12:20

Agho Daudi yaava ghansi, yaanaaba, yeesiiga omuzigo, yaavaala ebivaalo ebindi, yaaja mu isinzizo lya Musengwa Katonda yaasinza. Bwe yamala yaaja mu ndhu ye, yaasaba emere baamugha yaalya.

2 Samueli 15:30

Daudi yaaja ng'ali kulira amaziga, yaaniinaniina Olusozi olw'Emiti Emyoliva nga yeeghembereire omutwe olw'okunakughala, era ng'ali mu bigere byereere. Ni be yali nabo boonaboona baaja nga bali kulira amaziga, baaniinaniina nga beeghembereire emitwe.

2 Samueli 16:3

Kyabazinga Daudi yaamubuuza ati: “Ate musengwa wo Mefiboshethi mwidhukulu wa Saulo ali gha?” Ziba yaamwiramu ati: “Asigaireyo mu Yerusalemu ng'akoba ati, ‘Olwaleero Abaisiraeli baidha kundhiriza obwakyabazinga obwali obwa dhaadha wange.’ ”

2 Samueli 9:11

Ziba yaakoba kyabazinga ati: “Isebantu kyabazinga, nze omugheereza wo ndidha kukola ebyo byonabyona by'ondagiire.” Agho Mefiboshethi yaaliiranga ghalala ni Daudi ku kiiwulo, ng'oti ni batabane ba Daudi oyo.

1 Bakyabazinga 2:8

“Era ghaligho ni Shimei ali n'iwe, ng'oyo ni mutabane wa Gera Omubenjamini ow'e Bahurimu. Shimei oyo yanvuma bubi inho ku lunaku lwe naja e Mahanaimu. Aye bwe yaidha okundhagaana ku mwiga Yorudani, namulayirira mu Musengwa Katonda nti, tiidha kumwita.

Okuvaayo 19:10

Musengwa Katonda yaamukoba ati: “Ja y'abantu obatukuze olwaleero n'idho, era booze ebivaalo byaibwe,

Isaia 15:2

Abantu b'e Diboni baniinieniinie, baaja mu bifo ebigulumivu bye basinzizaamu ku busozi, baalirira eyo amaziga. Abamoabu bali kuwowoola amaziga olw'ebibuga Nebo ni Medeba. Basazeeku enviiri ku mitwe gyaibwe baadhimaliriraku ng'oti mpaata, baasalaku n'ebirevu okwoleka nga bwe bali mu nnaku.

Yeremia 41:5

abasaadha kinaana baatuuka nga bava e Shekemu, n'e Shilo, n'e Samaria. Baali basazeeku ebirevu byaibwe, nga bakanwire ebivaalo byaibwe, era nga beesazesaze n'emisale ku mubiri. Baali baleese emere ey'empeke n'obubbaani mu isinzizo, ng'ebigheebwayo.

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Ab'e Roma 12:15

Musagambirenga ghalala n'abo abasagamba, munakughalirenga ghalala n'abo abali mu nnaku.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.