2 Samueli 19:20 - Baibuli Ekibono kya Katonda 2014

²⁰ kuba nze omugheereza wo ndidhi nga nayonoona. Kyova obona nga ndidhie olwaleero luno, nga ninze asoose okuva mu ndhu yoonayoona eya Yosefu okwidha okukusangaaza iwe Isebantu kyabazinga.”

2 Samueli 19:20 ပူးပေါင်းရင်းမြစ်များ

Amainhama 48:14

Aye Isiraeli yaagolola emikono gye ng'agigodye gyabitaganamu: omukono omusaadha yaaguta ku mutwe gwa Efuraimu omuto, ate omukono omugooda yaaguta ku mutwe gwa Manasse omwana omuberi.

Amainhama 48:20

Kale yaabasabira enkabi ku lunaku olwo, ng'akoba ati: “Abantu ab'omu Isiraeli baidha kusabiranga omuntu enkabi, nga bakozesa amaina gaimwe bati, ‘Katonda akufuule nga Efuraimu ni Manasse.’ ” Mu nsambo eyo Yakobo yaakulembeza Efuraimu, ate Manasse yaava einhuma.

2 Samueli 16:5

Kyabazinga Daudi bwe yatuuka e Bahurimu, ghaabaagho omusaadha ow'oku lulyo lwa Saulo nga bamweta Shimei mutabane wa Gera. Omusaadha yaidha nga bw'avuma kyabazinga Daudi oyo aghazira kusalaku.

2 Samueli 19:21

Agho Abishai mutabane wa Zeruia yairamu ati: “Shimei ono eyavuma oyo Musengwa Katonda ye yasiiga omuzigo, tagwaniire kwitibwa bwitibwe?”

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

1 Bakyabazinga 12:20

Agho abantu ab'omu Isiraeli yoonayoona, bwe baawulira nga Yeroboamu aize okuva e Misiri, baamwetesa okwidha ghe baali beesololeiza, era baamufuula kyabazinga wa Isiraeli yoonayoona. Ekika kya Yuda kyonka n'ekyasigala nga kikaafugibwa ab'endhu ya Daudi.

1 Bakyabazinga 12:25

Agho Yeroboamu yaazimba ekibuga Shekemu mu kiketezo kya Efuraimu eky'oku nsozi, yaaba omwo. Era yaava agho yaazimba ekibuga Penueli.

Yeremia 22:23

Imwe buti mweyagalira mu mivule egyava e Lebanoni, aye muja kusaasirwa inho ng'obulumi bubatuuseeku, obulumi obuli ng'oti bwa mukazi ali kulumwa okuzaala.”

Hosea 5:15

Ndiirayo mu kifo kyange ye mba, okutuusa lwe baliikiriza ni baatula ebibi byaibwe era ni baanoonia ye ndi. Bwe baliba mu kudaagadaaga kwaibwe baliinoonia ye ndi.

Hosea 5:3

Nze ndidhi Abaisiraeli nga bwe bafaanana era tibasobola kuneegisaaku. Abaisiraeli abo tibabaire beesigwa naire, era bafuuse abatali balongoofu.”