2 Samueli 19:19 - Baibuli Ekibono kya Katonda 2014

¹⁹ ng'amukoba ati: “Isebantu kyabazinga, nkusaba olobe kuneegemerera oba okwidhukira nze omugheereza wo bwe nakubisa obubi iwe musengwa wange kyabazinga, ku lunaku lwe wava mu Yerusalemu. Isebantu kyabazinga, ekyo otakisiba ku mwoyo,

2 Samueli 19:19 ပူးပေါင်းရင်းမြစ်များ

2 Samueli 13:20

Abusalomu mwanhina bwe yamubona, yaamubuuza ati: “Mwanhoko Amunoni abaire n'iwe mu buliri? Mwanhinaze, iwe sirika. Ekyo kitakunakughaza inho, kuba oyo mwanhoko.” Kale Tamari yaabanga ewa Abusalomu mwanhina nga munakughavu.

2 Samueli 13:33

Agho ni musengwa wange kyabazinga, otakitwala inho oti batabane bo boonaboona bafiire, kuba Amunoni yenka n'afiire.”

2 Samueli 19:18

Baasomoka omwiga baghange okusomosa ab'endhu ya kyabazinga n'okukola kyonakyona kyabazinga kye yali ayenda kikolebwe. Kyabazinga Daudi bweyali ali kuja okusomoka omwiga Yorudani, Shimei mutabane wa Gera yeeyala ku itaka mu maiso ge,

Zabbuli 32:2

Wa nkabi oyo Musengwa Katonda y'abala ng'azira kibi, era nga mu mwoyo gwe muzira buguya.

Zabbuli 79:8

Otatubonereza lwa bibi bya badhaadha baife, aye yangughaku otwoleke okusaasira kwo, kuba tuwoiremu amaani.

Omulangirizi 10:4

Ole akufuga bw'akusungughaliranga otavanga ku mulimo gwo, kuba bwe weewooya asobola okukusonigha n'emisango eminene.

Isaia 43:25

Aye era nze, ninze mwene nsonigha ebibi byaimwe nze ku bwange, era tija kabiri kubibavunaana.

Yeremia 31:34

Kiriba tikikeetaagisa muntu kwegeresa mwine amanhe Musengwa Katonda, kuba boonaboona baliimanha okuviira irala ku basembayo ghansi okutuukira irala ku babbede beene. Ndibasonigha ebibi byaibwe era neerabirira irala okwonoona kwaibwe. Nze Musengwa Katonda, ninze nkobye.”

Okubala 12:11

yaakoba Musa ati: “Wo musengwa wange, otatubonereza, olw'ekyo kye tukoze mu busiru ni twonoona.

Matayo 27:4

Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

2 Ab'e Korintho 5:19

Kye tukoba ni kino nti Katonda yaleetera abantu boonaboona okwisania naye ng'abita mu Kurisito, nga tababalira bibi bye baakola naire. Era twena yatugemya obukwenda obubaleetera okwisania naye.

1 Samueli 22:15

Guno ti n'omukuzi gwe nsoose okumwebuulizaagho ye Katonda! Busa, ti n'ogusoose. Isebantu kyabazinga, otavunaana nze kintu kyonakyona waire okuvunaana ab'endhu ya lata wange, kuba nze omugheereza wo bino eby'okukulyamu olukwe, ghazira kye mbiidhiku naire akatono kati.”

1 Samueli 25:25

Nkusaba, musengwa wange, olobe kufa ku Nabali, kuba omuntu oyo mubi. Era eriina lye kye likoba, yeena ky'ali ayetebwa Nabali, era nga bwenebwene musiru. Aye nze omugheereza wo omukazi tyabona baisuka iwe musengwa wange be watuma.

1 Samueli 26:21

Agho Saulo yairamu ati: “Nkoze bubi. Ira, mwana wange Daudi, tikairayo kabiri kukukolaku kabi, kuba owoniiza obulamu bwange olwaleero. Bwenebwene mbaire musiru, era nkoze kibi inho.”