2 Samueli 19:17 - Baibuli Ekibono kya Katonda 2014

¹⁷ Yaidha n'abantu lukumi (1,000) Ababenjamini. Ni Ziba omugheereza w'endhu ya Saulo yeena yaidha, ni batabane be ikumi na bataanu, n'abagheereza be amakumi abiri, baayangughaku okuja ku mwiga Yorudani okusangaaza kyabazinga Daudi.

2 Samueli 19:17 ပူးပေါင်းရင်းမြစ်များ

2 Samueli 16:5

Kyabazinga Daudi bwe yatuuka e Bahurimu, ghaabaagho omusaadha ow'oku lulyo lwa Saulo nga bamweta Shimei mutabane wa Gera. Omusaadha yaidha nga bw'avuma kyabazinga Daudi oyo aghazira kusalaku.

2 Samueli 19:18

Baasomoka omwiga baghange okusomosa ab'endhu ya kyabazinga n'okukola kyonakyona kyabazinga kye yali ayenda kikolebwe. Kyabazinga Daudi bweyali ali kuja okusomoka omwiga Yorudani, Shimei mutabane wa Gera yeeyala ku itaka mu maiso ge,

2 Samueli 3:16

Aye Palutieli oyo yaaja ng'anonereza Mikali, nga bw'alira engira yoonayoona okutuuka e Bahurimu. Abuneri yaamukoba ati: “Ja, irayo.” Era yairayo.

2 Samueli 9:10

Ate iwe, ni batane bo, n'abagheereza bo, mwidha kulimiranga ab'endhu ya musengwa wo oyo eitaka eryo, mubaleeterenga bye mukungwire. Olwo baghange okubanga n'emere ey'okulya. Aye Mefiboshethi mwene aidha kuliiranga ghalala ninze ku kiiwulo.” Ziba oyo yali ni batabane be ikumi na bataanu, n'abagheereza amakumi abiri.

2 Samueli 9:2

Agho ghaabaagho omuntu eyagheerezanga mu ndhu ya Saulo, nga bamweta Ziba. Baamweta aje ye Daudi. Kyabazinga Daudi oyo yaamubuuza ati: “Niiwe Ziba?” Ziba yairamu ati: “Isebo, ninze omugheereza wo.”

1 Bakyabazinga 2:8

“Era ghaligho ni Shimei ali n'iwe, ng'oyo ni mutabane wa Gera Omubenjamini ow'e Bahurimu. Shimei oyo yanvuma bubi inho ku lunaku lwe naja e Mahanaimu. Aye bwe yaidha okundhagaana ku mwiga Yorudani, namulayirira mu Musengwa Katonda nti, tiidha kumwita.