2 Samueli 19:10 - Baibuli Ekibono kya Katonda 2014

¹⁰ Ate Abusalomu ye twasiiga omuzigo abe kyabazinga waife, wuuyo yafiira mu lutalo. Kale lwaki ghazira ayogeraku ku kya kwiza kyabazinga Daudi?”

2 Samueli 19:10 ပူးပေါင်းရင်းမြစ်များ

2 Samueli 15:14

Agho Daudi yaakoba abagheereza be boonaboona be yali nabo e Yerusalemu ati: “Musitukiremu mukole tulumuke, tiikulwa nga tubulwa engeri ey'okuwonamu Abusalomu. Mwangughe tuveegho, atatwagaana n'atukolaku kabi, n'aita na bantu ba mu kibuga boonaboona.”

2 Samueli 15:16

Kale kyabazinga Daudi yaalumuka mu Yerusalemu n'ab'omu ndhu ye boonaboona. Aye yaalekayo bakazi be ab'embali ikumi, baakuuma ekisaagaati kye eky'obwakyabazinga.

2 Samueli 18:14

Yoabu yaakoba omusaadha ati: “Tiidha kumalira biseera byange ku iwe.” Kale yaatoola obusaale busatu, yaabulasa bwafumita Abusalomu mu kifuba ng'akaali mulamu mu muti omukologho.

2 Samueli 19:11

Agho kyabazinga Daudi yaagheereza obukwenda ye Zadoki ni Abiathari bakabona, ng'akoba ati: “Mukobe abakulembeze ab'ekika kya Yuda muti, ‘Lwaki niimwe omuli kusembayo mu ky'okwiza kyabazinga mu kisaagaati kye, ng'ate Abaisiraeli boonaboona bye bali kwogera bituuse ku kyabazinga?

2 Samueli 19:40

Agho kyabazinga Daudi yaaja e Giligali ghalala ni Kimuhamu. Ab'omu kika kya Yuda boonaboona n'ekitundu ku Baisiraeli baamugherekera.

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

Hosea 8:4

Baataagho bakyabazinga nga tibambuuziiza naku, era baataagho abakulembeze nga tibankobeire naku. Baatoola feeza waibwe ni zaabu waibwe, baamukolamu ebisinzibwa ebitali Katonda, ebija okubaleetera beene okuzikirira.

Abalamuzi 18:9

Baabairamu bati: “Musituke tuje tubalumbe. Kuba bona, tumaze okuzuula ng'ensi yaibwe ngimu inho. Mulobe kuba bwagho. Mwangughe, muje mugitwale ebe yaife.