2 Samueli 19:1 - Baibuli Ekibono kya Katonda 2014

¹ Baakobera Yoabu bati: “Bona eno, kyabazinga ali kulira amaziga era yaagegenga olw'Abusalomu.”

2 Samueli 19:1 ပူးပေါင်းရင်းမြစ်များ

Amainhama 37:35

Batabane ni baghala be boonaboona baidha okumugumya, aye yaaloba kubawulirisa. Yaakoba ati: “Ndiika e magombe eri omwana wange nga nkaalira.” Yeeyongera okulira amaziga olw'omwana we.

2 Samueli 18:12

Aye omusaadha yairamu Yoabu ati: “Ni bwe nandibaire nga ngemye ku bitundu olukumi (1,000) ebya feeza, tyandighanze kugalula mukono okukola akabi mutabane wa kyabazinga. Twenatwena twawulira nga kyabazinga akulagira iwe ni Abishai, ni Ittai, ati, ‘Ku lwange, omwisuka oyo Abusalomu mutamukolaku kabi koonakoona.’

2 Samueli 18:14

Yoabu yaakoba omusaadha ati: “Tiidha kumalira biseera byange ku iwe.” Kale yaatoola obusaale busatu, yaabulasa bwafumita Abusalomu mu kifuba ng'akaali mulamu mu muti omukologho.

2 Samueli 18:20

Aye Yoabu yaamukoba ati: “Busa, toidha kutwala mawulire ago lwaleero luno. Oghanga okugatwala olunaku olundi, aye olwaleero luno toidha kugatwala, kuba mutabane wa kyabazinga afiire.”

2 Samueli 18:33

Agho kyabazinga enaku yaamugema ey'amaani. Yaaja ghaigulu mu kimante ekyali ku mulyango ogw'ekibuga, yaalira amaziga. Yaaja nga bw'alira ati: “Woowe omwana wange Abusalomu, omwana wange, omwana wange Abusalomu. Nze nandifiire mu kifo kyo. Woowe Abusalomu omwana wange, omwana wange!”

2 Samueli 18:5

Kyabazinga Daudi yaalagira Yoabu, ni Abishai, ni Ittai, ati: “Ku lwange, omwisuka oyo Abusalomu mutamukolaku kabi koonakoona.” Abantu boonaboona baawulira nga kyabazinga Daudi agha abaduumizi ekiragiro ekyo, ekigema ku Abusalomu.

2 Samueli 19:2

Kale abantu boonaboona abandibaire nga basagamba olw'obughanguzi ku lunaku olwo, baira bwa mu kunakughala, kuba baawulira ku olwo bati kyabazinga enaku emugemye olwa mutabane we.

Ensambo 17:25

Omwana omusiru agemya abazaire be enaku, era yaabaleetera obulumi.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.