2 Samueli 18:9 - Baibuli Ekibono kya Katonda 2014

⁹ Agho Abusalomu yaayagaanana n'abasaadha ba Daudi nga takyetegekeire. Yali ali kuvuga enhumbu ye. Enhumbu eyo yaabita ghansi agh'ensaga enzibirivu edh'omuti omukologho einho, omutwe gwe gwalaalira mu nsaga edho. Yaasigala agho ng'ali kulengeedhera mu ibbanga, aye ng'enhumbu ye yali ali kuvuga ekaaja bwa buje.

2 Samueli 18:9 ပူးပေါင်းရင်းမြစ်များ

2 Samueli 13:29

Kale abagheereza ba Abusalomu baakola nga bwe yabalagira, baita Amunoni. Agho batabane ba kyabazinga abandi baasitukiramu, buli muntu yaaniina enhumbu ye yaalumukagho.

2 Samueli 14:26

Buli ku nkomerero y'omwaka, Abusalomu ng'asala enviiri ku mutwe gwe, kuba dhaamuzitooghereranga. Bwe yamalanga okudhisala n'adhipimamu, nga dhizitogha kilo edhisingaku eibiri, ng'ojiira ku mbala entongole eya kyabazinga.

2 Samueli 17:23

Ahithofeli bwe yabona ng'amagezi ge tibagajiiriireeku, yaata ku ndogoyi ye ekintu ekityamwaku yairayo eka mu kibuga eky'ewaibwe. Yaatereeza eby'omu ndhu ye, memale yeetuga. Baamuziika mu lwambiidhi lwa badhaadha be.

2 Samueli 18:10

Ghaabaagho omuntu eyabona, yaaja yaakobera Yoabu ati: “Bona eno, mboine Abusalomu ng'ali kulengeedhera mu muti omukologho!”

2 Samueli 18:14

Yoabu yaakoba omusaadha ati: “Tiidha kumalira biseera byange ku iwe.” Kale yaatoola obusaale busatu, yaabulasa bwafumita Abusalomu mu kifuba ng'akaali mulamu mu muti omukologho.

2 Samueli 18:8

Olutalo lwabunia ekiketezo ekyo kyonakyona, era ku lunaku olwo abantu abaafiira mu kibira baaba kamaala n'okusinga abaitibwa mu lutalo.

Yobu 31:3

Akabi tikaidhira boonooni, n'okuzikirira tikugwira babi?

Ensambo 20:20

Omuntu akolimira ise oba inhina, obulamu bwe bulikoma ng'oti n'entaala ezikiziibwa mu nzikiiza eri bedimudimu.

Ensambo 30:17

Amaiso g'oyo anhooma ise oba ag'oyo atagondera inhina, galimodhebwamu amakoova ag'omu nsiko, era gaaliibwa ensega.

Yeremia 48:44

Buli aligezaaku okulumuka okwewonia entiisa, aligwa mu biina. Ate oyo aliniina n'ava mu biina, aligwa ku mutego, olw'okuba nze Musengwa Katonda namala okutaagho ekiseera eky'okuzikirizaamu Moabu.

Matayo 27:5

Agho Yuda yaasuula ebitundu bya feeza bire mu isinzizo. Yaava agho, yaaja yeetuga.

Mariko 7:10

Kuba Musa yakoba ati, ‘Lata wo ni inhoko obatangamu ekitiisa’, era ati, ‘Oyo avuma ise oba inhina aitibwenga bwitibwe.’

Ab'e Galatia 3:13

Aye ife Kurisito yatununula okuva mu kikolimo ekireetebwa Amateeka mwene bwe yakolimirwa ku lwaife kuba kyaghandiikibwa kiti: “Omuntu yeenayeena aghanikibwa ku muti, akolimirwa.”

Amateeka Agokubiri 21:23

omulambo gwe tiguusulenga ku muti okwo, aye munaaguziikanga ku lunaku olwo lwene. Kuba omulambo ogughanikiibwa ku muti ni gulengeedhera okwo guleeta ekikolimo kya Katonda ku nsi. Kale ni mulobenga kwonoona nsi Musengwa Katonda waimwe y'ali kubagha okuba obutaka bwaimwe.”

Amateeka Agokubiri 27:16

“ ‘Omuntu yeenayeena anaanhoomanga ise oba inhina, akolimirwenga!’ “Olwo abantu boonaboona baliiramu bati, ‘Amiina.’

Amateeka Agokubiri 27:20

“ ‘Omusaadha yeenayeena anaawemulanga ise, ng'aba n'owundi ku baka ise oyo mu buliri, akolimirwenga!’ “Olwo abantu boonaboona baliiramu bati, ‘Amiina.’