2 Samueli 18:5 - Baibuli Ekibono kya Katonda 2014

⁵ Kyabazinga Daudi yaalagira Yoabu, ni Abishai, ni Ittai, ati: “Ku lwange, omwisuka oyo Abusalomu mutamukolaku kabi koonakoona.” Abantu boonaboona baawulira nga kyabazinga Daudi agha abaduumizi ekiragiro ekyo, ekigema ku Abusalomu.

2 Samueli 18:5 ပူးပေါင်းရင်းမြစ်များ

2 Samueli 16:11

Agho Daudi yaakoba Abishai oyo n'abagheereza be boonaboona ati: “Bona eno, ate oba mutabane wange mwene ayenda kundhita, me kitasi Omubenjamini oyo! Mumuleke avume, kuba Musengwa Katonda n'amulagiire.

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

2 Samueli 18:12

Aye omusaadha yairamu Yoabu ati: “Ni bwe nandibaire nga ngemye ku bitundu olukumi (1,000) ebya feeza, tyandighanze kugalula mukono okukola akabi mutabane wa kyabazinga. Twenatwena twawulira nga kyabazinga akulagira iwe ni Abishai, ni Ittai, ati, ‘Ku lwange, omwisuka oyo Abusalomu mutamukolaku kabi koonakoona.’

2 Samueli 19:1

Baakobera Yoabu bati: “Bona eno, kyabazinga ali kulira amaziga era yaagegenga olw'Abusalomu.”

Zabbuli 103:13

Ng'omuzaire bw'aghembeera abaana be, ni Musengwa Katonda atyo bw'aghembeera abo abamutya.

Luka 23:34

Yesu yaakoba ati: “Lata basonighe kuba tibaidhi kye bali kukola.” Baagabana ebivaalo bye nga bakuba akalulu.