2 Samueli 18:32 - Baibuli Ekibono kya Katonda 2014

³² Kyabazinga yaamubuuza Omukushi ati: “Omwisuka Abusalomu ali bukalamu?” Omukushi yaamwiramu ati: “Wo musengwa wange kyabazinga, ekyo ekituuse ku mwisuka oyo kigwananga kyatuuka ku bazigu bo, ni ku abo boonaboona abakudheemera ni bakukola akabi.”

2 Samueli 18:32 ပူးပေါင်းရင်းမြစ်များ

2 Samueli 18:21

Agho Yoabu yaakoba Omukushi ati: “Ja okobere kyabazinga by'oboine.” Omukushi yaakuba amakiryaivu mu maiso ga Yoabu, olwamala yaaja ng'alumuka.

2 Samueli 18:29

Kyabazinga yaamubuuza ati: “Omwisuka Abusalomu ali bukalamu?” Ahimaazi yairamu ati: “Yoabu bw'antumye nze omugheereza wo, mboine nga ghaligho akasasamalo ak'amaani aye nga tiidhi kye kaviireku.”

Zabbuli 109:20

Wo Musengwa Katonda, otyo bw'obe obonereze abazigu bange abo abandhogeraku obubi.

Danieli 4:16

Era ebidhuubo bye ka bikyusibwe okuva ku by'omuntu, bifuuke bya nsolo okumala emyaka musanvu.

Danieli 4:19

Agho Danieli oyo, era ye baatuuma eriina Beluteshazzari, yaamala akaseera ng'asobeirwa era ng'ali kutya okwogera. Kyabazinga yaamukoba ati: “Beluteshazzari, ekirooto n'amakulu gaakyo birobe kukutiisa bityo.” Beluteshazzari yaamwiramu ati: “Isebantu kyabazinga, kyandibaire kirungi nguli ekirooto ekyo kibaire kigema ku abo abakukyagha, n'amakulu gaakyo gaaba nga gagema ku bazigu bo!

Abalamuzi 5:31

“Wo Musengwa Katonda, abazigu bo batyo bwe bagwaniire okuzikiriranga boonaboona. Aye abakugonza boonaboona bagwaniire kumesunkananga, ng'oti n'endhuba eri kuvaayo.” Agho ensi yaabaamu emiraala okumala emyaka amakumi ana.

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.