2 Samueli 18:20 - Baibuli Ekibono kya Katonda 2014

²⁰ Aye Yoabu yaamukoba ati: “Busa, toidha kutwala mawulire ago lwaleero luno. Oghanga okugatwala olunaku olundi, aye olwaleero luno toidha kugatwala, kuba mutabane wa kyabazinga afiire.”

2 Samueli 18:20 ပူးပေါင်းရင်းမြစ်များ

2 Samueli 18:19

Agho Ahimaazi mutabane wa Zadoki yaakoba ati: “Ka numukeku nje nkobere kyabazinga amawulire gano, nti Musengwa Katonda amuwoniiza abazigu be.”

2 Samueli 18:21

Agho Yoabu yaakoba Omukushi ati: “Ja okobere kyabazinga by'oboine.” Omukushi yaakuba amakiryaivu mu maiso ga Yoabu, olwamala yaaja ng'alumuka.

2 Samueli 18:27

Omukuumi yaakoba ati: “Ndi kubona ng'omuntu akulembeiremu alumuka ng'oti ni Ahimaazi, mutabane wa Zadoki.” Kyabazinga yaakoba ati: “Oyo muntu mukalamu era ali kuleeta mawulire malungi.”

2 Samueli 18:29

Kyabazinga yaamubuuza ati: “Omwisuka Abusalomu ali bukalamu?” Ahimaazi yairamu ati: “Yoabu bw'antumye nze omugheereza wo, mboine nga ghaligho akasasamalo ak'amaani aye nga tiidhi kye kaviireku.”

2 Samueli 18:33

Agho kyabazinga enaku yaamugema ey'amaani. Yaaja ghaigulu mu kimante ekyali ku mulyango ogw'ekibuga, yaalira amaziga. Yaaja nga bw'alira ati: “Woowe omwana wange Abusalomu, omwana wange, omwana wange Abusalomu. Nze nandifiire mu kifo kyo. Woowe Abusalomu omwana wange, omwana wange!”

2 Samueli 18:5

Kyabazinga Daudi yaalagira Yoabu, ni Abishai, ni Ittai, ati: “Ku lwange, omwisuka oyo Abusalomu mutamukolaku kabi koonakoona.” Abantu boonaboona baawulira nga kyabazinga Daudi agha abaduumizi ekiragiro ekyo, ekigema ku Abusalomu.

2 Samueli 19:1

Baakobera Yoabu bati: “Bona eno, kyabazinga ali kulira amaziga era yaagegenga olw'Abusalomu.”