2 Samueli 18:17 - Baibuli Ekibono kya Katonda 2014

¹⁷ Baatoola Abusalomu baamusuula mu gwina oguleeyi ogwali mu kibira omwo, baamubungaku emungo ey'amabaale enkologho. Abaisiraeli baalumuka buli muntu yaaja ewuwe.

2 Samueli 18:17 ပူးပေါင်းရင်းမြစ်များ

2 Samueli 19:5

Agho Yoabu yaidha, yangira mu kisaagaati kya kyabazinga yaamukoba ati: “Olwaleero oleeteire abagheereza bo boonaboona okuswala. Ate nga bawoniiza obulamu bwo, n'obwa batabane bo, n'obwa baghala bo, n'obwa bakazi bo ab'omu ndhu n'ab'embali.

2 Samueli 19:8

Agho kyabazinga yaasituka, yaaja yaatyama ku kityamo kye gha mulyango ogw'ekibuga. Abantu boonaboona bwe baabakobera bati kyabazinga atyaime gha mulyango ogw'ekibuga, boonaboona beesololeza gh'ali. Mu kiseera ekyo Abaisiraeli boonaboona baali balumukiire mu maka gaibwe, buli muntu ng'aizeeyo ewuwe.

2 Samueli 19:9

Ghaidhagho okukaayana mu bika byonabyona ebya Isiraeli, ng'abantu bakoba bati: “Kyabazinga Daudi yatuwonianga abazigu baife, yaatuwonia n'Abafilisiti. Aye buti yalumuka Abusalomu, yaava mu nsi ye.

2 Samueli 20:1

Ghaaligho omusaadha azira ky'agasa nga bamweta Sheba, mutabane wa Bikiri Omubenjamini. Sheba oyo yaafuuwa eigwala, yaakoba ati: “Ife tuzira mugabo na Daudi, Era tuzira kya nsikirano kye tuli nakyo na mutabane wa Yesse. Imwe Abaisiraeli, ka twireyo ewaife.”

2 Samueli 20:22

Agho omukazi oyo yaaja y'abantu be mu magezi ge, baasala ku Sheba omutwe baagusuulira Yoabu ku luya ye yali. Kale Yoabu yaafuuwa eigwala, abasaadha be baagumbulukuka okuva ku kibuga ekyo, buli muntu yairayo ewuwe. Yoabu yairayo mu Yerusalemu ye kyabazinga.

2 Bakyabazinga 14:12

Isiraeli yaaghangula Buyudaaya, kiisi mwisirukale wa Buyudaaya yaalumuka okwirayo ewuwe.

2 Bakyabazinga 8:21

Yehoramu yaaja e Zairi n'ebigaali bye eby'omu lutalo byonabyona. Eigye ery'Abaedomu lyabazingiza okubeezunguluza. Agho mwene ghalala n'abaduumizi b'ebigaali bye eby'omu lutalo, baasituka obwire baita Abaedomu. Aye ab'eigye lye baalumuka, bairayo eka.

Ensambo 10:7

Omuntu omutuufu aidhukirwa nga wa nkabi, aye eriina ery'omubi lyerabirirwa irala.

Amateeka Agokubiri 21:20

baabakobera bati, ‘Omwana waife ono ali n'empwitu era mudheemu, taganha kugondera bye tumukoba. Ali n'omuwuudu gw'okulya era mutamiivu.’

Amateeka Agokubiri 21:21

Agho abasaadha boonaboona ab'omu kibuga ekyo, baidha kumukubanga amabaale bamwite. Mu nsambo eyo munaabanga nga mwetoiremu ekibi ekyo. Agho Abaisiraeli boonaboona bwe banaawuliranga ekibairegho, baidha kutyanga.”

Yoshua 10:27

Endhuba bweyali ng'eri kumpi kugwa, Yoshua yaalagira baaghanulayo emirambo egyo, baagisuula mu mpuku yeene eyo mwe baali beegisiisa. Baatoola agabaale agakologho baasemba omunwa ogw'empuku eyo ni ye buli eno.

Yoshua 7:26

Bwe baamala, baamubungaku emungo ey'amabaale enkologho ekaaliyo ni ye buli eno. Era ekifo ekyo kyekiva kyetebwa Ekiiko eky'Ebizibu. Olwo Musengwa Katonda yaalekera agho okusungughala.

Yoshua 8:29

Era yaaghanika kyabazinga ow'e Ayi ku muti, yaalengeedhera okwo yaafa. Omulambo gwe baaguleka ku muti okwo okutuusa olw'eigulo. Endhuba bweyali ng'eri kumpi kugwa Yoshua yaalagira, baatoola omulambo ogwo ku muti, baagusuula aghaalinga omulyango ogwangiranga mu kibuga. Bwe baamala, baagubungaku emungo ey'amabaale enkologho ekaaligho ni ye buli eno.

1 Samueli 4:10

Kale Abafilisiti baalwana era baaghangula Abaisiraeli. Abaisiraeli baalumuka, buli muntu yairayo mu maka ge. Era abantu abaitibwa baali kamaala inho, kuba abalwani b'Abaisiraeli ab'oku bigere baafaamu emitwalo esatu (30,000).