2 Samueli 18:1 - Baibuli Ekibono kya Katonda 2014

¹ Agho Daudi yaabala abantu be yali nabo, yaabataaku abaduumizi ab'abaisirukale olukumi olukumi n'abaduumizi ab'abaisirukale ekikumi ekikumi.

2 Samueli 18:1 ပူးပေါင်းရင်းမြစ်များ

Okuvaayo 17:9

Musa yaakoba Yoshua ati: “Londayo abasaadha muje enkyo mulwane n'Abamaleki. Nze ndidha kuba ku mutwe ogw'olusozi nga ngemye omwigo Katonda gwe yankoba okuja nagwo.”

Okuvaayo 18:21

Era linga mu bantu boonaboona obone abantu abali n'obusobozi, abatya Katonda, abeesigwa era abatenda kulya nguzi. Olondemu abasobola okukulembera abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okuvaayo 18:25

yaalinga mu Baisiraeli boonaboona, yaalondamu abantu abali n'obusobozi, yaabafuula abakulembeze b'abantu olukumi olukumi, n'abantu ekikumi ekikumi, n'abantu ataanu ataanu, n'abantu eikumi eikumi.

Okubala 31:14

Musa yaasungughalira abakulu mu igye eryo abaira okuva mu lutalo. Abo n'abaaduumira enkumi n'enkumi era baaduumira ebikumi n'ebikumi eby'abalwani.

Amateeka Agokubiri 20:9

Agho abakulu mu igye bwe banaamalanga okwogera n'abalwani, banaatangagho abaduumizi abanaakulemberanga ebikunsu by'abaisirukale mu igye.

Yoshua 8:10

Enkyo einho ku lunaku olwairirira, Yoshua yaawuuna yaayeta abasaadha abalwani boonaboona, mwene yaabakulemberamu n'abakulu ab'ebikunsu eby'endhawulo, baayolekera Ayi.

1 Samueli 22:7

Agho Saulo yaakoba abagheereza be abo ati: “Imwe Ababenjamini, muwulire bino: Mulowooza muti mutabane wa Yesse aidha kugha buli muntu ku imwe ebibandha n'amasamba g'emizabbibu? Oba muti mwenamwena aidha kubafuula baduumizi, muduumirenga ebikunsu eby'abaisirukale olukumi olukumi, n'eby'abaisirukale ekikumi ekikumi?

1 Samueli 8:12

Abandi aidha kubatangagho okuba abaduumizi b'ebikunsu eby'abaisirukale olukumi olukumi, n'abandi okuduumira ebikunsu eby'abaisirukale amakumi ataanu ataanu. Abandi aidha kubalimyanga mu masamba ge, bamukungulirenga ebirime bye, ate abandi bamugheekezenga eby'okulwanisa n'ebikozesebwa ku bigaali bye eby'omu lutalo.